Дата правядзення
Час правядзення
Месца правядзення
11 снежня дзіцячы пакой запрашае дзяцей 5–10 гадоў на творчыя заняткі “Ліст Дзеду Марозу”, на якіх яны засвояць розныя прыёмы па стварэнні аб’ёмнай аплікацыі.
Для афармлення навагодняга паслання Дзеду Марозу ўдзельнікам заняткаў прыйдзецца крыху папрацаваць і праявіць фантазію. Спачатку зрабіць маляўнічы канверцік, наклеіўшы на яго навагоднія карцінкі. Пасля, выкарыстоўваючы паперу для скрапбукінгу, выразаць пушыстыя сняжынкі і дапоўніць дэкаратыўны малюнак на канверце і аркушыку для паслання рознакаляровымі ўпрыгажэннямі. Застанецца толькі напісаць ліст Дзеду Марозу з запаветнымі жаданнямі.
Перанесціся ў чароўную зімовую казку дапамогуць музычныя паўзы, рухавыя гульні, чытанне вершаў з кнігі Андрэя Усачова “Азбука Деда Мороза” і казкі “Морозко”.
Час правядзення мерапрыемства: 14.30–16.00.
Наведванне дзіцячага пакоя платнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
