Дата правядзення
Час правядзення
Месца правядзення
З 4 лістапада па 3 снежня 2021 года запрашаем на выставу “Кніжная кулінарыя” ў чытальнай зале аддзела міжбібліятэчнага абанемента і дастаўкі дакументаў (пам. 164).
Нішто так не аб’ядноўвае сям’ю, як смачная ежа і прыгожа накрыты стол. А лепшая ежа – гэта тая, што прыгатавана сваімі рукамі, прыносіць радасць і задавальненне вам і вашым блізкім, ствараючы кожны раз маленькае сямейнае свята.
Велізарны выбар прадуктаў, разнастайнасць рэцэптаў і фантазія дазваляюць ператварыць часам утомны абавязак гатавання ежы ў сапраўдны творчы працэс.
На выставе “Кніжная кулінарыя” прадстаўлена літаратура з рэцэптамі страў, якія не толькі смачныя, але і карысныя, падымаюць настрой і даюць энергію і сілы на кожны дзень.
Час работы выстаўкі:
пн. – чц.: 10.00–19.00,
пт.: 10.00–18.00,
сб., ндз. – выхадны.
Уваход – па чытацкім білеце або білеце сацыякультурнага цэнтра бібліятэкі.
Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял пададзены аддзелам міжбібліятэчнага абанемента і дастаўкі дакументаў.
