Энергія новага часу: аб выкарыстанні другасных рэсурсаў у энергазберажэнні

З 1 лістапада па 21 снежня ў зале перыядычных выданняў (пам. 106) праходзіць тэматычная выстава “Энергія новага часу: аб выкарыстанні другасных рэсурсаў у энергазберажэнні”.

Неабходнасць энергазберажэння і зніжэння забруджвання навакольнага асяроддзя прымушае больш рацыянальна выкарыстоўваць традыцыйныя энергарэсурсы, а таксама шукаць іншыя, пажадана аднаўляльныя і недарагія, крыніцы энергіі, да якіх у апошні час усё часцей адносяць цвёрдыя бытавыя адходы.

Для Беларусі першачарговай задачай з’яўляецца скарачэнне аб’ёмаў захавання адходаў і пашырэнне іх перапрацоўкі. Спальванне, паасобны збор смецця, дэпазітна-закладная сістэма абароту тары, кампаставанне, RDF-паліва і біягазавыя ўстаноўкі – усе гэтыя метады плануецца ўжываць у комплексе. Дадзеныя напрамкі, якія адпавядаюць прынцыпам “зялёнай” эканомікі, асветлены падрабязна ў часопісах “Энергоэффективность”, “Экология на предприятии”, “Наука и инновации”, “Энергосбережение” і інш.

Найбольш актуальнай праблемай сучаснай рэальнасці з’яўляецца адмова ад пластыка. Міжнародны вопыт абыходжання з адходамі (праблема ўпакоўкі, цыркуляцыя пластыка, утылізацыя медыцынскіх і нафтагазавых прадуктаў) абагульняецца ў артыкулах з часопісаў “Инновации”, “Планета”, “Зелёный контейнер”, “Наука и жизнь” і інш.

Усяго экспазіцыя налічвае каля 30 перыядычных выданняў.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 25 87.