Дата правядзення
Час правядзення
Месца правядзення
7 кастрычніка ў бібліятэцы адбылася прэзентацыя кнігі Францішка Жылкі “Млынарства ў Беларусі: гісторыя і сучаснасць” (2021).
Францішак Баляслававіч – ураджэнец Смаргоншчыны, прадпрымальнік, мецэнат, даследчык-краязнавец, аўтар шэрагу артыкулаў і кнігі “Вілія вачыма вандроўніка: краязнаўчыя нарысы” (2012), укладальнік выдання “Мае ўспаміны” (2018).
Яго новае выданне, у якім адлюстравана гісторыя мукамольнай справы ў Беларусі, выйшла ў 2021 годзе ў выдавецтве “Энциклопедикс”. Францішак Жылка склаў фотатэку здымкаў пачатку XXI ст., на якіх зафіксавана багацце разнастайнай архітэктуры вадзяных млыноў Беларусі, іх гарманічнае спалучэнне з навакольным асяроддзем.
У кнізе змешчана каля 500 даўніх і сучасных фатаграфій, апісаны цікавыя тэхнічныя і гістарычныя дэталі, а таксама выкарыстаны матэрыялы з успамінаў нашчадкаў беларускіх млынароў. Выданне ўключае спісы вадзяных млыноў з архіваў Вільні і Мінска, а таксама раздзелы, прысвечаныя млынам і млынарству ў вуснай народнай творчасці і творах мастакоў Беларусі.
Падчас сустрэчы з аўтарам і ўдзельнікамі выдавецкага праекта ўвазе гасцей будзе прадстаўлена кніга “Млынарства ў Беларусі: гісторыя і сучаснасць”, выстаўка-прагляд іншых твораў Францішка Жылкі і выданняў, прысвечаных млынарству на Беларусі.
Мерапрыемства пачнецца а 16-й гадзіне ў галерэі “Лабірынт” (3-ці паверх).
Уваход на прэзентацыю вольны.
Тэлефон для даведак: (8 017) 293 28 81.