Дата правядзення
Час правядзення
Месца правядзення
25 верасня дзіцячы пакой запрашае дзяцей 5–10 гадоў на творчыя заняткі “Смайлік”, на якіх дзеці навучацца рабіць кубік з паперы ў тэхніцы канструявання.
Для стварэння мадэлі кубіка юныя ўдзельнікі складуць ліст паперы па загадзя прамаляваных лініях і склеяць атрыманую нарыхтоўку па бакавых ярлычках. Кожную грань кубікаў упрыгожаць яркія малюнкі смайлікаў з рознымі эмоцыямі: радасць, сум, страх, здзіўленне.
Хлопчыкі і дзяўчаткі пачуюць казачную гісторыю пра двух смайлікаў: Усмешку і Трывогу. А вясёлая песенька пра ўсмешку і рухавыя музычныя гульні падораць усім удзельнікам добры настрой.
Час правядзення мерапрыемства: 14.30–16.00.
Наведванне дзіцячага пакоя платнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
