ГалоўнаяМерапрыемствыЛёс наканаваны з нябёс
Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)
Творчая імпрэза кампазітара Аліны Безенсон

Лёс наканаваны з нябёс

Лёс наканаваны з нябёс
Іншыя мерапрыемствы
22 ліпеня – 22 верасня
Дата правядзення
10.00–21.00
Час правядзення
пам. 305
Месца правядзення

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Ганна Казлова – прадстаўнік вядомай музычнай дынастыі. Вучылася ў класе кампазіцыі дацэнта П.П. Альхімовіча ў Беларускай дзяржаўнай акадэміі музыкі. Працавала ў тэатры музычнай камедыі, у Белдзяржфілармоніі; старшым выкладчыкам кафедры эстраднага мастацтва Беларускага дзяржаўнага ўніверсітэта культуры і мастацтва; вяла спецкурс джазавай імправізацыі ў Беларускай дзяржаўнай акадэміі музыкі.

Сярод яе асаблівых інтарэсаў – джазавая музыка. Яскравым прыкладам такога жанру з’яўляецца джазавая сюіта, якая складаецца з 6-ці музычных нумароў (4 з якіх – для фартэпіяна і два – для фартэпіяна і вакальнай групы). Сачыненне адрозніваецца своеасаблівай меладычнай і гарманічнай мовай, сінкапіраванай рытмікай, шматварыянтнасцю.

У творчай спадчыне кампазітара творы харавога, камерна-інструментальнага і эстраднага жанру. Напісана больш за 150 эстрадных песень, а таксама харавых кампазіцый, якія ўваходзяць у рэпертуар Дзяржаўнай акадэмічнай харавой капэлы імя Р. Шырмы, Дзяржаўнага камернага хору, Нацыянальнага акадэмічнага канцэртнага аркестра Беларусі пад кіраваннем М. Фінберга і іншых вядомых калектываў, а таксама вядучых салістаў Опернага тэатра, вядомых эстрадных выканаўцаў, сярод якіх Юлія Скараход, Анастасія Ціхановіч, Дзядзька Ваня, арт-група “Хор Турэцкага”. Песні Ганны Казловай “Мелодыя кахання” і “Чаплін” увайшлі ў “Залатую калекцыю беларускай песні”, а песня “Беларусь – імя святое” пастаянна гучыць у канцэртах Дзяржаўнага акадэмічнага народнага хору імя Г.І. Цітовіча.

Г.М. Казлова плённа працуе з вакальна-інструментальнымі ансамблямі ў якасці піяністкі, спявачкі, аранжыроўшчыка і кампазітара. Яе музыка шырока вядома ў розных краінах. Ганна Маратаўна – уладальнік шматлікіх міжнародных узнагарод.

На выставе прадстаўлены ноты канцэртнай оперы “Вялікае Княства Любові”, мюзікла “У замку Радзівілаў, або Гісторыя вечнага кахання”, фартэпіяннага канцэрта “Фрэскі Старажытнага Егіпта” і іншых твораў Г. Казловай, відэа аўтарскага канцэрта “Беларусь – любоў мая”, аўдыядакументы, артыкулы пра творчасць кампазітара.


Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял пададзены аддзелам абслугоўвання спецыялізаванымі фондамі.

Мерапрыемствы

“Арт-Мінск 2021”

16.09.2021

21 верасня а 17-й гадзіне ў галерэі “Атрыум” (3-ці паверх) Нацыянальнай бібліятэкі Беларусі адкрыецца выстаўка “Арт-Мінск 2021”.

Размова з адвакатам аб праве ў сферы медыцыны

15.09.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Храмы часу, памяці, думкі

14.09.2021

Напярэдадні юбілейнага года святкавання стагоддзя Нацыянальнай бібліятэкі Беларусі да прафесійнага свята – Дня бібліятэк Беларусі – прымеркавана выстаўка “Храмы часу, памяці, думкі”.

Умець чытаць, пісаць, лічыць…

07.09.2021

З 7 верасня па 2 кастрычніка ў зале дакументаў міжнародных арганізацый (пам. 207g) адкрыта тэматычная кніжная выстава “Умець чытаць, пісаць, лічыць...”, прысвечаная Міжнароднаму дню пісьменнасці.

Разам за мір дзеля будучыні!

02.09.2021

З 2 верасня па 12 кастрычніка ў аддзеле абслугоўвання афіцыйнымі дакументамі (пам. 207) адкрыта тэматычная кніжная выстава “Разам за мір дзеля будучыні!”, прысвечаная Міжнароднаму дню міру.



Бібліятэкарам