ГалоўнаяМерапрыемствыАдкрывальнік і летапісец сівой даўніны
Творчая імпрэза кампазітара Аліны Безенсон
Запрашаем дзяцей на творчыя заняткі “Вусень”

Адкрывальнік і летапісец сівой даўніны

Адкрывальнік і летапісец сівой даўніны
Іншыя мерапрыемствы
21 ліпеня – 31 жніўня
Дата правядзення
10.00–20.00
Час правядзення
пам. 205
Месца правядзення

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Вітаўт (Віктар Кузьміч) Чаропка прыйшоў у літаратуру няпростым шляхам. Ён нарадзіўся ў Мінску 21 жніўня 1961 года. Пасля службы ў войску ў 1981–1990 гадах працаваў на Мінскім трактарным заводзе. У той час стаў актыўна займацца самаадукацыяй, вывучаць першакрыніцы і гістарычныя даследаванні. Удзельнічаў у рабоце літаратурнага аб'яднання “Крыніцы” пры рэдакцыі газеты “Чырвоная змена”. У 90-х гадах быў рэдактарам часопісаў “Хрысціянская думка” і “Спадчына”, загадчыкам аддзела часопіса “Беларуская мінуўшчына”, супрацоўнікам рэдакцыі “Беларускага гістарычнага часопіса”.

Першае апавяданне В. Чаропкі з’явілася ў 1988 годзе ў газеце “Чырвоная змена”. У 1992-м у серыі “Першая кніга празаіка” выйшаў гістарычны раман “Храм без Бога” фантастычным на сённяшні дзень накладам – 12 800 асобнікаў. Падзеі ў творы прысвечаны пачатку ХVI стагоддзя – набегам крымскіх татар, бітве пад Клецкам, дзе войскі ВКЛ перамаглі захопнікаў, паўстанню на чале з Міхаілам Глінскім.

Экспазіцыя знаёміць наведвальнікаў са шматлікімі творамі Вітаўта Чаропкі, сярод якіх аповесці і апавяданні, нарысы, прысвечаныя выбітным постацям беларускай даўніны і гісторыі беларускіх гарадоў. Асаблівай папулярнасцю ў спадчыне творцы карыстаюцца кнігі гістарычна-літаратурных нарысаў “Імя ў летапісе” і “Уладары Вялікага княства”. Да ўвагі наведвальнікаў і апошні раман пісьменніка “Паўшыя анёлы”, які выйшаў у выдавецтве “Мастацкая літаратура” ў 2021 годзе.

Дадаткова прадстаўлена літаратура пра жыццёвы і творчы шлях юбіляра.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Мерапрыемствы

“Арт-Мінск 2021”

16.09.2021

21 верасня а 17-й гадзіне ў галерэі “Атрыум” (3-ці паверх) Нацыянальнай бібліятэкі Беларусі адкрыецца выстаўка “Арт-Мінск 2021”.

Размова з адвакатам аб праве ў сферы медыцыны

15.09.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Храмы часу, памяці, думкі

14.09.2021

Напярэдадні юбілейнага года святкавання стагоддзя Нацыянальнай бібліятэкі Беларусі да прафесійнага свята – Дня бібліятэк Беларусі – прымеркавана выстаўка “Храмы часу, памяці, думкі”.

Умець чытаць, пісаць, лічыць…

07.09.2021

З 7 верасня па 2 кастрычніка ў зале дакументаў міжнародных арганізацый (пам. 207g) адкрыта тэматычная кніжная выстава “Умець чытаць, пісаць, лічыць...”, прысвечаная Міжнароднаму дню пісьменнасці.

Разам за мір дзеля будучыні!

02.09.2021

З 2 верасня па 12 кастрычніка ў аддзеле абслугоўвання афіцыйнымі дакументамі (пам. 207) адкрыта тэматычная кніжная выстава “Разам за мір дзеля будучыні!”, прысвечаная Міжнароднаму дню міру.



Бібліятэкарам