Дата правядзення
Час правядзення
Месца правядзення
21 ліпеня ў бібліятэцы адбылася творчая імпрэза “Летні дождж”, прысвечаная юбілею беларускага кампазітара Аліны Іванаўны Безенсон.
Госці змогуць не толькі атрымаць асалоду ад жывога выканання музычных твораў і пачуць гісторыю іх стварэння, але і бліжэй пазнаёміцца з кампазітарам, даведацца пра яе творчы шлях, паслухаць цікавыя гісторыі з яе жыцця і задаць любыя пытанні.
У вечарыне прымуць удзел выканаўцы: Дар’я Баханко – цымбалы, Сафія Ткачэнка і Даніэла Куксянкова – скрыпка, Алена Маслоўская, Марыяна Бабіч і Аліна Чыжык – вакал, Аліна Безенсон і Багдан Бабіч – фартэпіяна.
Прагучаць наступныя творы: “Пасля дажджу”, “Ляцеў голуб над морам”, “Спеў сэрца”, сюіта “Кругазварот вады” (у 3-х ч. – “Вадаспад”, “Гром”, “Град”), “Рух планет”, песні “Ангел-хранитель” на вершы А. Бабоўка, “Я вижу сердцем и душой” на вершы В. Бабіча, “Душа” на вершы А. Легастаевай, “Сон” на вершы Л. Глінскай, “Ради мира” на вершы Е. Палеес.
Госці імпрэзы таксама змогуць пазнаёміцца з юбілейнай выставай “Дарогай святла”, прысвечанай творчай дзейнасці кампазітара.
Шчыра запрашаем у 17.00 у залу нотных і аўдыявізуальных дакументаў (пам. 305).
Уваход вольны (пры наяўнасці чытацкага білета або пропуска сацыякультурнага цэнтра).
Тэлефон для даведак: (8 017) 293 27 52.
Матэрыял пададзены аддзелам абслугоўвання спецыялізаванымі фондамі.
