ГалоўнаяМерапрыемствыПа вулачках Парыжа
Шануй сваё жыццё. Кідай курыць!
Запрашаем дзяцей на творчыя заняткі “Васьміног”

Па вулачках Парыжа

Па вулачках Парыжа
Іншыя мерапрыемствы
25 мая – 22 жніўня
Дата правядзення
10.00–20.00
Час правядзення
пам. 306
Месца правядзення

З 25 мая па 22 жніўня ў зале дакументаў па мастацтве (пам. 306) праходзіць кніжна-ілюстрацыйная выстава “Па вулачках Парыжа”.

Парыж здаўна лічыцца сусветнай скарбніцай мастацтваў. Мастакі ўсіх часоў і народаў чэрпалі тут натхненне, адорваючы горад шэдэўрамі ў падзяку за яго прыгажосць. І кожны мастак ствараў свой, новы Парыж. Клод Манэ адлюстраваў горад сонечным і шумным, Агюст Рэнуар – вясёлым і легкадумным. Ёсць нервовы, горкі Парыж Анры Тулуз-Латрэка, дажджлівы Парыж Каміля Пісаро. На выставе прадстаўлены альбомы і асобныя рэпрадукцыі работ гэтых і іншых мастакоў. Асаблівае месца адведзена творчасці Марыса Утрыло, які стварыў непаўторны свет пейзажных вобразаў горада. Яго парыжскія вулачкі надзелены горка-пяшчотнай чароўнасцю ў прастадушнай паэзіі і ідыліі.

7_Paris.jpg

“Парыж, ты мой другі Віцебск!”– гаварыў Марк Шагал. Ён прысвяціў гораду, з якім парадніўся на ўсё жыццё, сваё прызнанне ў любві – серыю літаграфій, частка рэпрадукцый якіх дэманструецца ў экспазіцыі. У Парыжы Шагала цвітуць лугі, лётаюць па небе закаханыя, а Эйфелева вежа з вышыні іх палёту выглядае дзіцячай цацкай.

У гады пражывання ў Францыі любімым “героем” карцін рускага мастака Канстанціна Каровіна быў вячэрні Парыж. Гледзячы на гэтыя творы, адчуваеш, як позірк зачароўвае цуд мокрага асфальту, вытканага з пясчынак колеру, які ўвабраў фарбы будынкаў, дрэў, неба, ззяння ліхтароў і вітрын, людзей і машын.

Экспазіцыю дапаўняюць мноства фотаальбомаў і паштовак, прысвечаных гісторыі і мастацтву Парыжа. Альбомы з яго шэдэўрамі архітэктуры і знакамітымі славутасцямі дазволяць акунуцца ў святочную атмасферу сталіцы Францыі, а таксама вывучыць мастацкія калекцыі найвялікшых музеяў свету, такіх як Луўр і д’Арсэ.

Спіс літаратуры


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял пададзены аддзелам абслугоўвання спецыялізаванымі фондамі.

Мерапрыемствы

Асветніца з роду Усяслава

16.07.2021

З 16 ліпеня па 30 верасня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Лёс наканаваны з нябёс

22.07.2021

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Адкрывальнік і летапісец сівой даўніны

21.07.2021

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

22.07.2021

22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.



Бібліятэкарам