ГалоўнаяМерапрыемствыСтаражытная Беларусь у адлюстраванні Міколы Ермаловіча
Семінар па генеалогіі
Святое адвечнае хараство

Старажытная Беларусь у адлюстраванні Міколы Ермаловіча

Старажытная Беларусь у адлюстраванні Міколы Ермаловіча
Іншыя мерапрыемствы
28 красавіка – 17 мая
Дата правядзення
10.00–21.00
Час правядзення
галерэя "Мабільная" (3-ці паверх)
Месца правядзення

28 красавіка ў межах Года народнага адзінства ў бібліятэцы адбылося адкрыццё мастацкай выстаўкі “Старажытная Беларусь”, прысвечанай 100-годдзю з дня нараджэння беларускага гісторыка Міколы Ермаловіча.

Арганізатары выстаўкі – Нацыянальная бібліятэка Беларусі, Беларускі саюз мастакоў. Куратар – беларускі мастак і грамадскі дзеяч Мікола Купава.

Публіцыст, пісьменнік, паэт, выкладчык беларускай літаратуры, М. Ермаловіч ствараў крытычныя і літаратуразнаўчыя артыкулы, вывучаў гістарычныя першакрыніцы і працаваў над нарысамі аб старажытнай Беларусі, выдаваў рукапісны часопіс “Гутаркі”. Мікола Іванавіч паспеў адчуць прызнанне, атрымаў Дзяржаўную прэмію Рэспублікі Беларусь за кнігу “Старажытная Беларусь: Полацкі і Новагародскі перыяды” (1992), прэмію імя Уладзіміра Караткевіча, быў узнагароджаны медалём Францыска Скарыны (1993).

Выстаўка “Старажытная Беларусь” аддае даніну павагі гісторыку і даследчыку. У экспазіцыі – жывапіс і графіка беларускіх мастакоў, мастацкі водгук на даследаванні Міколы Іванавіча. Работы дэтальна, з захапленнем ствараюць вобраз старажытнай Беларусі, напоўнены вытанчанай і далікатнай годнасцю, знаёмымі постацямі, персаналіямі, абрысамі пабудоў, сюжэтамі летапісаў і літаратурных твораў. Творы Паўла Татарнікава, Міхаіла Басалыгі, Васіля Шаранговіча, Канстанціна Вашчанкі, Сафіі Піскун, Аляксандра Кошалева, Таццяны Фаміной, Віктара Варанкевіча, Яўгенні Сухаверхавай і іншых мастакоў гучаць ва ўнісон старонкам кніг даследчыка.

Гістарычныя сюжэты і асобы, прахалодныя пейзажы, сімвалічныя абстракцыі, поўныя гонару постаці… Убачыць шчырыя вобразы Беларусі, заснаваныя на даследаваннях Міколы Ермаловіча, можна ў экспазіцыі “Старажытная Беларусь” да 22 чэрвеня 2021 г.
Дата заканчэння працы экспазіцыі можа быць зменена.

Вернісаж пачнецца а 17-й гадзіне ў галерэі “Мабільная” (3-ці паверх).
На адкрыццё ўваход вольны, у астатні час – па чытацкім білеце або білеце сацыякультурнага цэнтра.

Таксама ў зале беларускай літаратуры (пам. 205) працуе кніжная выстаўка “Шлях да вечнасці”, прысвечаная даследчай дзейнасці гісторыка і літаратуразнаўца. Яе можна наведаць да 17 мая 2021 г.

Час работы выставак адпавядае рэжыму работы бібліятэкі.

Тэлефон для даведак: (8 017) 368 37 37.
E-mail: pr@nlb.by

Матэрыял пададзены аддзелам сувязей з грамадскасцю.

Мерапрыемствы

Запрашаем на канцэрт!

10.06.2021

Нацыянальная бібліятэка сумесна з арт-прасторай “Свет класічнай музыкі” запрашае на вечар музыкі ад супольнасці музыкаў-аматараў.

Малады беларускі экслібрыс

01.06.2021

Падчас святкавання Міжнароднага дня абароны дзяцей у музеі кнігі адкрылася выстава “Малады беларускі экслібрыс”, дзе прадстаўлены  працы ўдзельнікаў конкурсу экслібрысаў.

Чамаданны настрой

07.06.2021

З 7 чэрвеня па 27 жніўня запрашаем на выставу “Чамаданны настрой” у чытальнай зале аддзела міжбібліятэчнага абанемента і дастаўкі дакументаў (пам. 164).

Гісторыі пішуць экслібрысы

18.05.2021

Да Міжнароднага дня музеяў у бібліятэцы адкрылася выстава “Гісторыі пішуць экслібрысы”, якая з’яўляецца вынікам творчага эксперыменту, падчас якога юныя мастакі атрымалі магчымасць стаць сапраўднымі музейнымі куратарамі і дызайнерамі.

Зямля: адна планета на ўсіх

02.06.2021

З 2 чэрвеня па 13 ліпеня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Зямля: адна планета на ўсіх”, прысвечаная Сусветнаму дню навакольнага асяроддзя.



Бібліятэкарам
111