Нацыянальная бібліятэка Беларусі распачынае дабрачынную акцыю “Кніга – крыніца мудрасці, ведаў і навукі...”
У рамках праекта бібліятэкам устаноў сацыяльнага тыпу будуць перадавацца друкаваныя выданні для папаўнення кніжных фондаў і калекцый.
Назва акцыі бярэ вытокі з глыбіні стагоддзяў, з філасофскіх разваг нашага славутага першадрукара Францыска Скарыны, які менавіта так вызначыў выключную ролю кнігі ў развіцці чалавецтва.
Акцыя будзе праводзіцца на працягу 2017 года ў рамках агульнанацыянальнага святкавання 500-годдзя беларускага кнігадрукавання. У ёй прымаюць удзел вядомыя беларускія выдавецтвы і інфармацыйныя ўстановы, сярод якіх – “Беларусь”, “Мастацкая літаратура”, “Права і эканоміка”, “Папуры”, “Агенцтва Уладзіміра Граўцова”.
Заклікаем іншыя арганізацыі, а таксама ўсіх жадаючых далучыцца да высакароднай справы папулярызацыі кнігі і чытання.
З гэтай нагоды просім звяртацца ў аддзел камплектавання фондаў Нацыянальнай бібліятэкі Беларусі.
Адрас: 220114, г. Мінск, пр. Незалежнасці, 116.
Тэлефоны: (8 017) 293 25 20, 293 25 83.
E-mail: pereverzeva@nlb.by, jukovskaya@nlb.by
