ГалоўнаяМерапрыемствыЗачараванне бляскам: майстар-клас па дэкарыраванні табакерак!
Святое адвечнае хараство
Запрашаем дзяцей на творчыя заняткі “Птушаня”

Зачараванне бляскам: майстар-клас па дэкарыраванні табакерак!

Зачараванне бляскам: майстар-клас па дэкарыраванні табакерак!
Іншыя мерапрыемствы
23 красавіка
Дата правядзення
13.00–18.00
Час правядзення
пам. 104
Месца правядзення

23 красавіка ў бібліятэцы ў рамках унікальнай выставы “Бляск убораў і таямніцы флірту” адбудзецца майстар-клас Наталлі Керус па дэкарыраванні табакерак у тэхніцы “трафарэт”.

Табакеркі – маленькія вытанчаныя скрыначкі, у якіх захоўвалася жменька духмянага пылу – былі прызнаны сімвалам знатнасці і багацця. Сапраўдныя творы мастацтва, яны яшчэ паўтара стагоддзя назад былі звычайным прадметам у людзей розных саслоўяў. Акунёмся ў гісторыю артэфакта мінулых вякоў:

  • мода на нашэнне табакерак распаўсюдзілася па ўсёй Еўропе да XVIII стагоддзя, частаваць адзін аднаго табакай было абавязкова па правілах этыкету;
  • скрыначкі для захавання табака былі неад’емнай прыналежнасцю туалета галантных кавалераў і элегантных дам, да кожнай сукенкі ці ўбору патрабавалася свая табакерка, напрыклад, у прускага караля Фрыдрыха Вялікага іх было больш за 800;
  • табакеркі рабілі з дарагіх матэрыялаў і ўпрыгожвалі разьбой і каштоўнымі камянямі: для вырабу выкарыстоўваліся золата, срэбра, чарапахавы панцыр, фарфор, бяроста і іншыя матэрыялы;
  • мелі шкатулкі і розную форму: ракавін, пладоў, жывёл, кошыкаў, канвертаў ці флаконаў. Спецыяльныя мануфактуры ўпрыгожвалі іх разьбой, чаканнымі арнаментамі і мініяцюрамі;
  • пасля паўсюднага распаўсюджання табакеркі сталі выкарыстоўваць і для іншых мэт: у якасці ўзнагароды ад манархаў, для перадачы любоўных цыдулак і нават як таемны пропуск у сакрэтнае таварыства;
  • табакеркі наўмысна ўпрыгожвалі мудрагелістымі ўзорамі і дэкорам, каб іх можна было доўга разглядаць. Яны маглі адлюстроўваць усе гістарычныя і палітычныя падзеі таго часу. Самы часты дэкор – гэта кветкі і пастаральныя сцэны. Пры гэтым любыя выявы мелі падтэкст, напрыклад, рыбалка азначала флірт і любоўныя стасункі. Калі хацелі нагадаць аб доўгім жыццёвым шляху чалавека ці змене ўзросту, то дарылі скрыначкі з выявамі дарогі ці карэты.

Зараз табакеркі – антыкварная рэдкасць: іх можна ўбачыць у музеях ці прыватных калекцыях, на іх палююць калекцыянеры, іх выстаўляюць на продаж на аўкцыёнах. Чароўнасці гэтых рэчывак немагчыма супрацьстаяць… Ды і не трэба, бо на майстар-класе Натальі Керус па дэкарыраванні табакерак у тэхніцы “трафарэт” можна адчуць сябе сапраўдным майстрам і дакрануцца да артэфактаў мінулага стагоддзя.


Чакаем вас 23 красавіка з 13.00 да 18.00!

Наведванне майстар-класа ўваходзіць у кошт наведвання выставы:
Для дарослых – 10 бел. руб.
Навучэнцы сярэдніх, сярэдніх спецыяльных і вышэйшых навучальных устаноў – 5 бел. руб.
Сямейны білет: група з двух дарослых і аднаго дзіцяці да 16 гадоў – 21 бел. руб., група з двух дарослых і двух дзяцей да 16 гадоў – 24 бел. руб.

Рэжым работы выстаўкі адпавядае рэжыму работы бібліятэкі.

Тэлефон для даведак: (8 017) 293 27 50.

Мерапрыемствы

Размова з адвакатам аб праве на абарону ў адміністратыўным судаводстве

07.05.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Апублікавана праграма IX Навукова-практычнай канферэнцыі “Электронная культура”

04.05.2021

IX Навукова-практычная канферэнцыя “Электронная культура” прысвечана тэме “Рэальнасць і віртуальнасць ва ўмовах пандэміі”. Арганізатарамі мерапрыемства выступаюць Міністэрства культуры Рэспублікі Беларусь і Нацыянальная бібліятэка Беларусі.

Без тэрміну даўнасці

03.05.2021

З 3 па 28 мая запрашаем на выставу “Без тэрміну даўнасці” ў чытальнай зале аддзела міжбібліятэчнага абанемента і дастаўкі дакументаў (пам. 164).

Вэбінар “Методыка і тэхналогія каталагізацыі дакументаў у рэгіянальных зводных электронных каталогах”

09.04.2021

15 красавіка з 10.00 да 11.30 Нацыянальная бібліятэка Беларусі праводзіць вэбінар для бібліятэк, падключаных да рэгіянальных зводных электронных каталогаў нашай краіны.

Вялікая Айчынная вайна ў творах мастацкай літаратуры

30.04.2021

5 мая а 16-й гадзіне ў атрыуме 2-га паверха адбудзецца літаратурна-асветніцкае мерапрыемства “Радкі памяці” і адкрыццё кніжнай выстаўкі “Вялікая Айчынная вайна ў творах мастацкай літаратуры”, якія прымеркаваны да знакавага свята – Дня Перамогі.



Бібліятэкарам
111