Дата правядзення
Час правядзення
Месца правядзення
17 красавіка дзіцячы пакой запрашае дзяцей 6-10 гадоў на заняткі з серыі “Цікава пачытаць”.
З пазнавальных і займальных гісторый, у якія трапляюць лясныя героі кнігі Я. Фраловай “Фінансавыя казкі для дзяцей”, хлопчыкі і дзяўчаткі даведаюцца, як правільна абыходзіцца з грашыма, як іх можна зарабіць, назапасіць і захаваць.
У кнізе разабрацца ў няпростых фінансавых пытаннях лясным жыхарам дапамагае мудрая сава па імені Пыхці-Маўчы. У розных гісторыях яна тлумачыць, што такое банк, для чаго ён патрэбны і г.д.
Дзеці цікава правядуць час: выканаюць вясёлыя заданні з кнігі, пагуляюць у гульні і намалююць персанажаў казкі.
Час правядзення мерапрыемства: 14.30–16.00.
Наведванне дзіцячага пакоя бясплатнае.
Папярэдні запіс па тэлефоне (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.