ГалоўнаяМерапрыемствы“Лепшыя кнігі Беларусі”: выстаўка па выніках LХ Нацыянальнага конкурсу “Мастацтва кнігі”
Тут увасабляюцца ідэі: у дапамогу прафесійнаму чытанню педагога
Падарожжа ў краіну кошак

“Лепшыя кнігі Беларусі”: выстаўка па выніках LХ Нацыянальнага конкурсу “Мастацтва кнігі”

“Лепшыя кнігі Беларусі”: выстаўка па выніках LХ Нацыянальнага конкурсу “Мастацтва кнігі”
Іншыя мерапрыемствы
26 лютага – 31 мая
Дата правядзення
10.00–21.00
Час правядзення
кальцавы калідор (3-ці паверх)
Месца правядзення

З 26 лютага па 31 мая ў Нацыянальнай бібліятэцы Беларусі (3-ці паверх, кальцавы калідор) праходзіць выстаўка выданняў, адзначаных узнагародамі LХ Нацыянальнага конкурсу “Мастацтва кнігі”.

Штогод, пачынаючы з 1960-га, вынікі працы беларускіх выдаўцоў традыцыйна падводзяцца на конкурсе “Мастацтва кнігі”. Яго заснавальнікам выступае Міністэрства інфармацыі Рэспублікі Беларусь. Конкурс праводзіцца з мэтай развіцця мастацтва беларускай кнігі, павышэння яе канкурэнтаздольнасці, мастацкай і паліграфічнай культуры. Гэта своеасаблівая творчая справаздача выдаўцоў, мастакоў, паліграфістаў, якія стварылі лепшыя ўзоры друкаванай прадукцыі за мінулы год.

Удзел у конкурсе ўзялі, акрамя замежных, 30 беларускіх выдавецтваў рознай формы ўласнасці. Было пададзена 214 выданняў. На папярэднім этапе для разгляду кампетэнтным журы было выбрана 95 кніг 16 выдавецтваў.

Вышэйшую ўзнагароду конкурсу ў намінацыі “Трыумф” атрымала выдавецтва “Беларуская энцыклапедыя імя Петруся Броўкі” за кнігу “Храм-памятник земли белорусской”, удастоеную ганаровага знака-сімвала “Залаты фаліянт” і ганаровага дыплома імя Францыска Скарыны. Пераможцы ўсіх астатніх намінацый былі ўзнагароджаны  ганаровымі знакамі і спецыяльнымі дыпломамі. Сярод фаварытаў – выдавецтва “Беларуская энцыклапедыя імя Пятруся Броўкі”: на яго рахунку 12 намінацый і Гран-пры юбілейнага конкурсу.

Нацыянальнай бібліятэцы Беларусі былі ўручаны дыпломы I ступені за кнігі, выпушчаныя выдавецтвам самой бібліятэкі: “Асэнсаванне шэдэўра. Берасцейская Біблія” Алеся Сушы (намінацыя “Навука і веды”), “Беларусь вачыма бібліёграфа” (намінацыя “Сцяжынкамі роднага краю”). Высокіх узнагарод удастоены і выданні, падрыхтаваныя Нацыянальнай бібліятэкай супольна з іншымі выдавецтвамі. Так, дыплом пераможцы, а таксама знак-сімвал “Малы залаты фаліянт” быў атрыманы ў намінацыі “За ўклад у захаванне гісторыка-культурнай спадчыны” за альбомнае выданне “Напалеон Орда” (складальнік А. Суша; выдавецтва “Беларусь”). Спецыяльны дыплом быў атрыманы ў намінацыі “Беларусь памятае” за факсімільнае выданне “Жыровіцкае Евангелле XVI стагоддзя” (навуковы рэдактар А. Суша; выдавецтва “Медыял”).

Лепшым ілюстратарам прызнана Святлана Рыжыкава за ілюстрацыі да кнігі “Казкі дзядзечкі Рымуса”, лепшым дызайнерам – Алена Бужынская за кнігу “Мікалай Кузьміч”.

Нацыянальная бібліятэка Беларусі шчыра віншуе пераможцаў і прызёраў нацыянальнай прэміі “Мастацтва кнігі” і запрашае ўсіх жадаючых азнаёміцца з лепшымі выданнямі Беларусі 2020 года.

Матэрыял пададзены галерэйна-выставачным аддзелам.

Мерапрыемствы

Запрашаем на канцэрт!

10.06.2021

Нацыянальная бібліятэка сумесна з арт-прасторай “Свет класічнай музыкі” запрашае на вечар музыкі ад супольнасці музыкаў-аматараў.

Малады беларускі экслібрыс

01.06.2021

Падчас святкавання Міжнароднага дня абароны дзяцей у музеі кнігі адкрылася выстава “Малады беларускі экслібрыс”, дзе прадстаўлены  працы ўдзельнікаў конкурсу экслібрысаў.

Чамаданны настрой

07.06.2021

З 7 чэрвеня па 27 жніўня запрашаем на выставу “Чамаданны настрой” у чытальнай зале аддзела міжбібліятэчнага абанемента і дастаўкі дакументаў (пам. 164).

Гісторыі пішуць экслібрысы

18.05.2021

Да Міжнароднага дня музеяў у бібліятэцы адкрылася выстава “Гісторыі пішуць экслібрысы”, якая з’яўляецца вынікам творчага эксперыменту, падчас якога юныя мастакі атрымалі магчымасць стаць сапраўднымі музейнымі куратарамі і дызайнерамі.

Зямля: адна планета на ўсіх

02.06.2021

З 2 чэрвеня па 13 ліпеня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Зямля: адна планета на ўсіх”, прысвечаная Сусветнаму дню навакольнага асяроддзя.



Бібліятэкарам
111