ГалоўнаяМерапрыемствыЗаснавальнік беларусазнаўства
Запрашаем на выстаўкі Нацыянальнай бібліятэкі Беларусі
Праект “Віртуальны тур”

Заснавальнік беларусазнаўства

Заснавальнік беларусазнаўства
Іншыя мерапрыемствы
1–24 студзеня
Дата правядзення
10.00–21.00
Час правядзення
пам. 205
Месца правядзення

З 1 па 24 студзеня ў зале беларускай літаратуры (пам. 205) праходзіць выстаўка “Заснавальнік беларусазнаўства”, прысвечаная 160-годдзю з дня нараджэння акадэміка, этнографа і славіста Яўхіма Фёдаравіча Карскага.

Нарадзіўся Яўхім Карскі 1 студзеня 1861 г. у вёсцы Лаша Гродзенскай губерні (Гродзенская вобл.) у сям’і дыякана Фёдара Навіцкага. Але ўсё жыццё славуты акадэмік пражыў пад прозвішчам сваёй маці – Марыі Карскай.

Яўхім Фёдаравіч скончыў Мінскую духоўную семінарыю, паступіў у Нежынскі гісторыка-філалагічны інстытут, дзе вывучаў славяна-рускую філалогію. Пасля заканчэння ўніверсітэта працаваў выкладчыкам у Варшаўскім, а пазней і Пецярбургскім універсітэтах.

За сваё жыццё Яўхім Фёдаравіч напісаў больш за 1 000 навуковых прац. Але галоўны твор даследчыка – “Белорусы”. Кніга выйшла ў трох тамах, пяці кнігах і стала навуковым падмуркам развіцця і станаўлення беларускай філалогіі. Сваёй глыбінёй навуковага пошуку і навуковай думкі гэты твор па сённяшні дзень прымушае даследчыкаў вяртацца да яго зноў і зноў.

Я. Карскі займаўся даследаваннем не толькі філалогіі, але і вывучаў праблемы этнаграфіі і фальклору, што таксама знайшло сваё адлюстраванне ў навуковых працах. З 1905 па 1917 г. даследчык быў галоўным рэдактарам і выдаўцом часопіса “Русский филологический вестник”. Пад яго кіраўніцтвам часопіс узначаліў спіс навуковых перыядычных выданняў Расійскай акадэміі навук, дзеючым членам якой ён быў абраны ў 1916 г.

На выстаўцы, якая складаецца з двух раздзелаў – “Славіст, этнограф і выдавец” і “Акадэмік з вёскі Лаша” – прадстаўлена больш за 200 выданняў, якія поўна раскрываюць навуковы, творчы і жыццёвы шлях акадэміка. Сярод іх – выдатныя навуковыя прыжыццёвыя працы Карскага: “Белорусы”, “Славянская кирилловская палеография”, “Западнорусский сборник ХV-го века, принадлежаций Императорской Публичной библиотеке”, “Грамматика древнего церковно-славянского языка сравнительно с русским”, “Программы для собирания особенностей народных говоров” і шмат інш.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Мерапрыемствы

“Руплівец беларускай даўніны”: да 170-годдзя з дня нараджэння Аляксея Сапунова і 100-годдзя Нацыянальнай бібліятэкі Беларусі

05.03.2021

11 сакавіка ў музеі кнігі адбудзецца адкрыццё выставы “Руплівец беларускай даўніны”, прымеркаванай да 170-годдзя з дня нараджэння гісторыка, археографа, краязнаўца Аляксея Парфёнавіча Сапунова.

Мой цудоўны агарод

04.03.2021

З 4 па 26 сакавіка запрашаем на выстаўку “Мой цудоўны агарод” у чытальнай зале аддзела міжбібліятэчнага абанемента і дастаўкі дакументаў (пам. 164).

Бляск убораў і атмасфера балю... у бібліятэцы

02.03.2021

5 сакавіка ў выставачным комплексе бібліятэкі (пам. 104) стартуе ўнікальны праект “Бляск убораў і таямніцы флірту”. Экспанаты прадстаўлены з прыватнай калекцыі Ігара Сурмачэўскага.

“Лепшыя кнігі Беларусі”: выстаўка па выніках LХ Нацыянальнага конкурсу “Мастацтва кнігі”

26.02.2021

З 26 лютага па 19 красавіка ў Нацыянальнай бібліятэцы Беларусі (3-ці паверх, кальцавы калідор) праходзіць выстаўка выданняў, адзначаных узнагародамі LХ Нацыянальнага конкурсу “Мастацтва кнігі”.

Украінская Касандра

01.03.2021

24 лютага ў бібліятэцы ўрачыста адкрылася выстаўка, прысвечаная 150-годдзю з дня нараджэння адной з найвыбітнейшых асоб украінскай культуры – Ларысы Пятроўны Косач-Квiткі, вядомай ва ўсім свеце як Леся Украінка.



Бібліятэкарам
111