ГалоўнаяМерапрыемствыІмпрэза да юбілею бібліяграфічнага бюлетэня “Новыя кнігі: па старонках беларускага друку”
“Мультчытайка” паводле казкі “Снежная каралева”
Запрашаем на прэзентацыю новага электроннага рэсурсу

Імпрэза да юбілею бібліяграфічнага бюлетэня “Новыя кнігі: па старонках беларускага друку”

Імпрэза да юбілею бібліяграфічнага бюлетэня “Новыя кнігі: па старонках беларускага друку”
Іншыя мерапрыемствы
23 снежня
Дата правядзення
16.00–17.30
Час правядзення
атрыум (2-гі паверх)
Месца правядзення

23 снежня ў атрыуме (2-гі паверх) Нацыянальнай бібліятэкі Беларусі а 16-й гадзіне пройдзе інфармацыйна-асветніцкая імпрэза, прысвечаная 60-годдзю бібліяграфічнага бюлетэня “Новыя кнігі: па старонках беларускага друку”.

novyja_knihi.jpg

Гэта адно са старэйшых выданняў бібліятэкі, якое штомесяц знаёміць з навінкамі айчыннага кнігавыдання і падзеямі гісторыка-культурнага жыцця. Дзякуючы ўніверсальнаму зместу, спалучэнню бібліяграфічнай інфармацыі з разнастайнымі аналітычнымі матэрыяламі выданнем карыстаюцца розныя катэгорыі спажыўцоў, незалежна ад узроўню інфармацыйнай культуры, узросту, адукацыі, прафесійных і асабістых інтарэсаў. Аператыўны выхад у свет, наяўнасць актуальных і цікавых беларусазнаўчых матэрыялаў надаюць яму статус каштоўнай крыніцы інфармацыі.

Імпрэза дасць экскурс у гісторыю бюлетэня, зверне ўвагу на яго асаблівасці і змест, нагадае пра персон, што на працягу дзесяцігоддзяў стваралі своеасаблівы бібліяграфічны летапіс краіны.

У межах мерапрыемства адбудзецца таксама прэзентацыя новага друкаванага навукова-папулярнага выдання Нацыянальнай бібліятэкі Беларусі “Беларусь вачыма бібліёграфа”, зробленага паводле матэрыялаў бюлетэня “Новыя кнігі: па старонках беларускага друку”. У кнізе сабраны звесткі пра падзеі айчыннай гісторыі, старажытныя беларускія роды, гарады, дэкаратыўна-прыкладное мастацтва, народныя святы і абрады і інш.

Запрашаем прыняць удзел у нашым мерапрыемстве!

Матэрыял пададзены інфармацыйным цэнтрам.

Мерапрыемствы

Асветніца з роду Усяслава

16.07.2021

З 16 ліпеня па 30 верасня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Лёс наканаваны з нябёс

22.07.2021

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Адкрывальнік і летапісец сівой даўніны

21.07.2021

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

22.07.2021

22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.



Бібліятэкарам