ГалоўнаяМерапрыемствыСпяшайцеся пабачыць казачныя творы літоўскіх мастакоў!
“Мультчытайка” паводле казкі “Малы і Карлсан, які жыве на даху”
Паштоўкі з малюнкамі Уладзіміра Караткевіча

Спяшайцеся пабачыць казачныя творы літоўскіх мастакоў!

Спяшайцеся пабачыць казачныя творы літоўскіх мастакоў!
Іншыя Мерапрыемствы
17 снежня – 25 лютага
Дата правядзення
10.00–21.00
Час правядзення
галерэя "Ракурс" (2-гі паверх)
Месца правядзення

Шчыра запрашаем дзяцей і дарослых на атмасферную выстаўку “Сусветная разнастайнасць у літоўскіх кніжных ілюстрацыях”, якая пачне працу 17 снежня.

Увазе гледачоў прапанаваны шэраг самых разнастайных ілюстрацый: ад алоўкавых (у стылі коміксу) да калажных, створаных з дапамогай камп’ютара і іншых сродкаў мастацкага выяўлення. Выстаўка дазваляе акунуцца ў сапраўдныя прыгоды, нават не чытаючы тэкстаў, паколькі ілюстрацыі раскрываюць шматграннасць свету, рытм колераў, змену настрою і мноства іншых уражанняў.

Свае яркія і па-сапраўднаму казачныя творы дэманструюе 12 вядомых літоўскіх кніжных ілюстратараў: Іева Бабілайтэ, Ліна Дудайтэ, Ліна Ітагакі, Раса Янчаўскайтэ, Раса Йоні, Аўшра Кюдулайтэ, Марыя Марселонітэ, Вілмас Нарэчыоніс, Крысціна Норвілайтэ, Марцінас Равілоніс, Юратэ Рачынскайтэ, Рымантас Роля. Работы мастакоў заваявалі мноства ўзнагарод на конкурсах самых прыгожых кніг у Літве і за мяжой і цэняцца чытачамі ўсіх узростаў.

Мэта выстаўкі – прадставіць літоўскую графіку для дзіцячых кніг шырокаму колу гледачоў. Экспазіцыя падрыхтавана пры ўдзеле Пасольства Літоўскай Рэспублікі ў Рэспубліцы Беларусь.

Падборам твораў займалася Давіле Тамкутэ – куратар выстаўкі, мастачка, арт-менеджар, якая працуе ў сферы візуальнай і прыкладной графікі. Яна адзначыла, што экспазіцыя “раскрывае галоўныя тэндэнцыі ў сённяшняй літоўскай кніжнай ілюстрацыі, шырокі спектр сродкаў выказвання і тэхнічнай разнастайнасці”.

Убачыць атмасферныя і нестандартныя творы (рыб з крыламі, свінню на каньках ці нават лятучага сабаку) знакамітых літоўскіх мастакоў можна да канца студзеня ў галерэі “Ракурс”. Таксама запрашаем завітаць у залу дакументаў па мастацтве (пам. 306) і пагартаць старонкі выданняў, да якіх і былі створаны гэтыя цудоўныя ілюстрацыі. Кнігі будуць даступны толькі на працягу работы выстаўкі.

Дата заканчэння працы мастацкай экспазіцыі можа быць зменена.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 28 81.

Матэрыял пададзены аддзелам сувязей з грамадскасцю.

Мерапрыемствы

У гармоніі з сабой і светам

01.07.2022

З 1 ліпеня па 26 жніўня ў зале перыядычных выданняў (пам. 106) праходзіць тэматычная выстава “У гармоніі з сабой і светам”.

Пачуццё заўсёднага святла

01.07.2022

Да 80-годдзя Сяргея Фёдаравіча Давідовіча ў зале беларускай літаратуры (пам. 205) з 1 ліпеня па 15 жніўня праходзіць выстаўка “Пачуццё заўсёднага святла”.

Насельніцтва Зямлі: сучаснае і будучае

01.07.2022

З 1 ліпеня па 9 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: сучаснае і будучае”, прысвечаная Сусветнаму дню народанасельніцтва.

У бібліятэцы адкрылася выстава да Дня Незалежнасці Рэспублікі Беларусь

30.06.2022

30 чэрвеня ў кальцавым калідоры 2-га паверха Нацыянальнай бібліятэкі Беларусі адкрылася архіўная фотавыстава “2022 Год гістарычнай памяці”, прымеркаваная да святкавання Дня Незалежнасці Рэспублікі Беларусь.

Патаемнае святло

30.06.2022

30 чэрвеня ў галерэі “Ракурс” (2-гі паверх) пачала працу фотавыстава Васіля Белякова “Патаемнае святло”.

“Сакрэцікі пад шклом” прапануюць зрабіць у Нацыянальнай бібліятэцы Беларусі

30.06.2022

У апошні месяц працы выставачнага праекта “Жывыя крыніцы” Нацыянальная бібліятэка Беларусі запрашае прыняць удзел у заключным цыкле майстар-класаў з вядомымі майстрамі народнай творчасці.



Бібліятэкарам