ГалоўнаяМерапрыемствыВыстава кніг па генеалогіі
“Падарожжа па старонках мульцяшак” на занятках “Мультчытайка”
Серыя вебінараў “Краязнаўчыя інфармацыйныя рэсурсы публічных бібліятэк”

Выстава кніг па генеалогіі

Выстава кніг па генеалогіі
Іншыя мерапрыемствы
17–30 лістапада
Дата правядзення
10.00–21.00
Час правядзення
пам. 348
Месца правядзення

У чытальнай зале рукапісаў, рэдкай кнігі і старадрукаў (пам. 348) прадстаўлена тэматычная выстава па генеалогіі Беларусі. Друкаваныя кнігі і рукапісы дапамогуць хутка з’арыентавацца ў даследаванні свайго радавода па-за архівамі нават не спецыялістам.

Выстава была падрыхтавана на падставе дакладаў, якія прагучалі на семінары “Новыя дакументальныя набыткі і знаходкі па генеалогіі”, што адбыўся ў Нацыянальнай бібліятэцы Беларусі. Запіс дакладаў дасяжны па спасылцы.

Дакладчык

Назва даклада

Пачатак
даклада на відэа

Гарковіч Наталля Віктараўна,

загадчык навукова-даследчага аддзела кнігазнаўства Нацыянальнай бібліятэкі Беларусі, кандыдат гістарычных навук

Фонд Нацыянальнай бібліятэкі Беларусі як падмурак для пазаархіўных генеалагічных пошукаў

1:16

Суша Аляксандр Аляксандравіч,

намеснік генеральнага дырэктара – дырэктар па навуковай рабоце і выдавецкай дзейнасці Нацыянальнай бібліятэкі Беларусі, кандыдат культуралогіі

Дакументальныя набыткі генеалагічнага характару Нацыянальнай бібліятэкі Беларусі ў 2020 годзе

22:37

Лісейчыкаў Дзяніс Васільевіч,

намеснік дырэктара Нацыянальнага гістарычнага архіва Беларусі, кандыдат гістарычных навук

Якімі дакументамі папаўняюцца фонды Нацыянальнага гістарычнага архіва Беларусі?: набыткі і знаходкі 2010–2020 гг.

38:41

Снапкоўскі Юрый Мікалаевіч,

намеснік загадчыка аддзела навукова-даследчай і публікацыйнай дзейнасці Нацыянальнага гістарычнага архіва Беларусі, аспірант Інстытута гісторыі Нацыянальнай акадэміі навук Беларусі

Генеалагічныя крыніцы ў абласных і занальных архівах Рэспублікі Беларусі

1:01:00

Кароўчанка Алена Валер’еўна,

каардынатар валанцёрскага руху генеалагічнай супольнасці Беларусі

Волонтёрское движение в генеалогическом сообществе Беларуси: цели, перспективы

1:19:00

На аснове даклада Н.В. Гарковіч прадстаўлены друкаваныя выданні XIX–XXI стст., якія з’яўляюцца падставай для правядзення даследаванняў па генеалогіі, у тым ліку гербоўнікі беларускай шляхты, выдадзеныя ў розныя перыяды, крыніцы з імяннымі паказальнікамі (напрыклад, ураднікаў і іншых дзяржаўных дзеячаў перыяду Вялікага Княства Літоўскага, уніяцкіх святароў, паўстанцаў 1863 г., мінскіх чыноўнікаў часоў Расійскай Імперыі з біяграфічнымі звесткамі і інш.).

Даклад А.А. Сушы стаў падставай для дэманстрацыі на выставе новых каштоўных рукапісных крыніц, якія на працягу апошніх двух гадоў трапілі ў фонды Нацыянальнай бібліятэкі Беларусі. Сярод іх – спавядальныя ведамасці, перадшлюбныя вобыскі, кнігі запісаў аб хрышчэннях, шлюбах і смярцях жыхароў розных куточкаў Беларусі і навакольных зямель. Большасць з іх былі складзены пры праваслаўных і каталіцкіх храмах у цэнтральнай і паўночнай частках нашай краіны ў XVIII – пачатку XX ст. і ўяўляюць вялікую цікавасць для ўсіх, хто шукае звесткі пра сваіх продкаў з гэтых рэгіёнаў.

Выстава будзе працаваць ў зале рукапісаў, рэдкай кнігі і старадрукаў да 30 лістапада 2020 года.

Матэрыял падрыхтаваны навукова-даследчым аддзелам кнігазнаўства.

Мерапрыемствы

Вялікі талент, вялікая работа, вялікае сэрца

18.01.2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16-й гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.



Бібліятэкарам
111