ГалоўнаяМерапрыемствыЛірызм яго музыкі
Творчая арбіта драматурга
Палала зара новай эры

Лірызм яго музыкі

Лірызм яго музыкі
Іншыя мерапрыемствы
10 лістапада – 7 снежня
Дата правядзення
10.00–21.00
Час правядзення
пам. 305
Месца правядзення

З 10 лістапада па 7 снежня ў зале нотных і аўдыявізуальных дакументаў (пам. 305) праходзіць выстава “Лірызм яго музыкі”, прысвечаная 120-годдзю з дня нараджэння беларускага кампазітара, педагога, заслужанага дзеяча мастацтваў Беларусі, кавалера ордэна “Знак Пашаны” Рыгора Канстанцінавіча Пукста (1900–1960).

Імя гэтага кампазітара вядома многім дзякуючы стварэнню першай у Беларусі оперы для дзяцей “Марынка”, напісанай на сюжэт паэмы Эдзі Агняцвет. Але не ўсе ведаюць, што Рыгор Пукст перш за ўсё кампазітар-лірык. У яго музыцы слухач заўсёды знойдзе глыбокія, шчырыя пачуцці, выяўленыя натхнёнай мелодыяй, яснай гармоніяй і музычнай формай, што робіць яе незвычайна дэмакратычнай і зразумелай кожнаму. Ім напісана звыш 150 рамансаў, 6 сімфоній, 2 сюіты на тэмы беларускіх народных песень, шэраг твораў для хору і сімфанічнага аркестра.

Шматлікія матэрыялы экспазіцыі знаёмяць наведвальнікаў з жыццём і творчасцю Рыгора Канстанцінавіча, адлюстроўваюць унікальнасць і разнастайнасць таленту кампазітара. Прыцягнуць увагу апрацоўкі розных беларускіх народных песень, з якіх аўтар пачынаў свой прафесійны шлях: “Что за месяц, что за ясный”, “За гарою бяроза”, “Ляціць сарока”, вакальныя творы на вершы беларускіх паэтаў, вальс з оперы “Марынка”, фрагменты опер і сімфоній.

У сваіх творах Р. Пукст тонка перадае паэтычнае хараство беларускай прыроды, перажыванні і думкі герояў. Асабліва ярка гэта праяўляецца ў рамансавай творчасці. На выставе прадстаўлены “Прощание”, “Шоўкавыя травы”, “Любы мой, прыйдзі” і іншыя рамансы кампазітара.

Рыгор Пукст унёс вялікі ўклад у развіццё нацыянальнай культуры, яго творы сталі годнай часткай айчыннай музычнай спадчыны.


Час работы выстаўкі адпавядае рэжыму работы бібліятэкі.
Уваход на выстаўку – па чытацкім білеце ці білеце сацыякультурнага цэнтра бібліятэкі.

Тэлефон для даведак: (8 017) 293 27 52.

Матэрыял пададзены аддзелам абслугоўвання спецыялізаванымі фондамі.

Мерапрыемствы

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16-й гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.



Бібліятэкарам
111