ГалоўнаяМерапрыемствыБеларусь з Палесся пачынаецца
Зялёнае будаўніцтва – сучаснасць і будучыня энергазберажэння
Рэстаўрацыйная майстэрня

Беларусь з Палесся пачынаецца

Беларусь з Палесся пачынаецца
Іншыя мерапрыемствы
2 лістапада – 31 снежня
Дата правядзення
10.00–21.00
Час правядзення
пам. 205
Месца правядзення

З 2 лістапада па 31 снежня ў зале беларускай літаратуры (пам. 205) праходзіць выстаўка “Беларусь з Палесся пачынаецца”, прымеркаваная да 60-годдзя беларускага пісьменніка Алеся Наварыча.

Алесь Наварыч (сапр. Аляксандр ІванавічТрушко) з’яўляецца адным з самых яркіх прадстаўнікоў беларускай літаратуры канца XX – пачатку XXI ст. У аснове мастацкай канцэпцыі свету А. Наварыча – роднае Заходняе Палессе з яго традыцыямі і звычаямі, самавітымі жыхарамі і адметнай прыродай. У сваім першым празаічным зборніку “Рабкова ноч” пісьменнік захапляецца незвычайнасцю роднага краю, сцвярджае ідэю мудрасці прыроды, яе таямнічую сілу. Асаблівасць апавяданняў аўтара – лаканічнасць, займальнасць, філасофскае асэнсаванне чалавечых лёсаў.

Не пакінуць абыякавымі чытача апавяданні Алеся Наварыча “Ноч пацалункаў незалежнасці”, “Вяртанне сыноў”, “Лёгкі адрас”, “Нелюдзь”, “Венерыны чаравічкі”, “Юшка з заячай капусты” і іншыя. У аснове аповесці “Памалюся Перуну, пакланюся Вялесу…” інтрыгуючы, заблытаны, у нечым нават дэтэктыўны сюжэт. Зацікавіць наведвальнікаў экспазіцыіі навукова-папулярнае выданне “Звяры. Сустрэчы з прыродай” з серыі “Зямля мая”.

Звяртае на сябе ўвагу гістарычны раман “Літоўскі воўк” пра самабытнасць і незалежнасць Беларусі. Вострасюжэтны твор, прасякнуты духам авантурызму і ўзбагачаны любоўнай раманнай інтрыгай, запрашае чытача ў час паўстання 1863–1864 гг. Асаблівым лірызмам прасякнуты разважанні аўтара пра тутэйшы народ, прыгажосць родных краявідаў.

Творы Алеся Наварыча друкуюцца на старонках часопісаў “Полымя”, “Маладосць”, “Верасень”, “Нёман” і іншых перыядычных выданняў, прадстаўленых на выстаўцы.

Дапаўняюць экспазіцыю шматлікія матэрыялы пра жыццё і творчасць юбіляра.


Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Мерапрыемствы

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16-й гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Сусветныя экасістэмы: захаванне, ахова, аднаўленне

12.01.2021

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).



Бібліятэкарам
111