ГалоўнаяМерапрыемствыАнатомія дызайну
Запрашаем на творчыя заняткі “Чароўныя кветкі”
З пашанай да роднай мовы і чалавечых лёсаў

Анатомія дызайну

Анатомія дызайну
Іншыя мерапрыемствы
2 кастрычніка – 24 лістапада
Дата правядзення
10.00–21.00
Час правядзення
пам. 306
Месца правядзення

З 2 кастрычніка па 24 лістапада ў зале дакументаў па мастацтве (пам. 306) праходзіць кніжна-ілюстрацыйная выстава “Анатомія дызайну”.

Свет прадметаў, якiя ствараюцца рукамі і геніем чалавека, дзіўны. У ім заключана памяць пра гісторыю і культуру, лёс народаў, іх мары, спадзяванні, здзяйсненні. Дызайн – частка нашага паўсядзённага жыцця і важны складнік культуры грамадства. Менавіта ён вызначае, якія рэчы нас атачаюць і якім чынам мы з імі суіснуём.

Экспазіцыя дапамагае спазнаць логіку развіцця дызайну, адчуць складанасць адносін дызайнера з грамадствам і светам, зразумець прычынна-выніковую сувязь прыняцця тых ці іншых дызайнерскіх рашэнняў. Тэарэтычныя матэрыялы дапоўнены крэатыўнымі заданнямі і прыкладамі ад вядучых дызайнераў свету, што дапамагае асвоіць новыя спосабы творчага мыслення, удасканаліць навыкі і дапамагчы справіцца з праектам. Прапанаваны найбольш эфектыўныя метады стварэння высакаякасных дызайнерскіх работ, без якіх не абысціся ніводнаму сучаснаму дызайнеру.

Выстава знаёміць наведвальнікаў з аўтарскімі канцэпцыямі, якія адлюстроўваюць актуальныя тэндэнцыі і перспектывы развіцця сучаснага графічнага дызайну. Асаблівы акцэнт ставіцца на падрыхтоўцы спецыялістаў да працы ў электронным асяроддзі – разглядаюцца новыя тэхналогіі стварэння візуальных, медыйных і графічных прадуктаў. Жывую цікавасць выкліча прадстаўлены ў дадзеным раздзеле часопіс “Novum”, вокладкі выданняў якога хочацца не толькі разгледзець, але і дакрануцца да іх.

Незвычайна запатрабаваныя і актуальныя кнігі выдавецтва знакамітай студыі Арцемія Лебедзева. На выставе дэманструюцца выданні аўтараў з сусветным імем: “Модульные системы в графическом дизайне” Ёзэфа Мюлера-Брокмана, “Искусство дизайнера” Пола Рэнда, “Новая типографика” Яна Чыхольда і многія іншыя.

Асобны раздзел прысвечаны даследаванням па гісторыі інтэр’ера, пачынаючы са Старажытнага свету і заканчваючы напрамкамі дызайну ХХ стагоддзя і сучаснасці. Раздзел уключае вядомыя часопісы па інтэр’еры і архітэктуры “Schöner Wohnen”, “Maison française magazine”, “Architectural Digest”, “Domus”, “AIT”, “Der Baumeister”, “Architectural design”, “Проект International” і іншыя.

Кожны дызайнерскі праект – гэта маленькая мадэль свету. Чым больш разнастайныя крыніцы, тым больш візуальнай інфармацыі можа быць транслявана дызайнам. Выданні, прадстаўленыя на выставе, шчодра ілюстраваны і паслужаць неацэннай крыніцай інфармацыі і натхнення для дызайнераў, афарміцеляў і даследчыкаў гісторыі візуальных мастацтваў.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Спіс літаратуры па тэме

Тэлефон для даведак: (8 017) 293 27 53.

Матэрыял пададзены аддзелам абслугоўвання спецыялізаванымі фондамі.

Мерапрыемствы

Без тэрміну даўнасці

03.05.2021

З 3 па 28 мая запрашаем на выставу “Без тэрміну даўнасці” ў чытальнай зале аддзела міжбібліятэчнага абанемента і дастаўкі дакументаў (пам. 164).

Вэбінар “Методыка і тэхналогія каталагізацыі дакументаў у рэгіянальных зводных электронных каталогах”

09.04.2021

15 красавіка з 10.00 да 11.30 Нацыянальная бібліятэка Беларусі праводзіць вэбінар для бібліятэк, падключаных да рэгіянальных зводных электронных каталогаў нашай краіны.

Вялікая Айчынная вайна ў творах мастацкай літаратуры

30.04.2021

5 мая а 16-й гадзіне ў атрыуме 2-га паверха адбудзецца літаратурна-асветніцкае мерапрыемства “Радкі памяці” і адкрыццё кніжнай выстаўкі “Вялікая Айчынная вайна ў творах мастацкай літаратуры”, якія прымеркаваны да знакавага свята – Дня Перамогі.

На скрыжалях паэзіі і прозы

30.04.2021

Да 90-годдзя з дня нараджэння беларускага пісьменніка, паэта, літаратуразнаўца Алега Лойкі ў зале беларускай літаратуры (пам. 205) з 30 красавіка па 14 ліпеня праходзіць выстаўка “На скрыжалях паэзіі і прозы”.

Семінар па генеалогіі

23.04.2021

27 красавіка ў бібліятэцы адбудзецца семінар па генеалогіі  “Імёны, прозвішчы, мянушкі: што гавораць генеалагічныя крыніцы?”.



Бібліятэкарам
111