ГалоўнаяМерапрыемствыТайны канцылярыі
“Мультчытайка” паводле казкі “Стойкі алавяны салдацік”
Анлайн-конкурс чытальнікаў “О, Беларусь, мая шыпшына”

Тайны канцылярыі

Тайны канцылярыі
Іншыя мерапрыемствы
24 верасня – 15 лістапада
Дата правядзення
10.00–18.00
Час правядзення
музей кнігі
Месца правядзення

24 верасня а 16-й гадзіне ў музеі кнігі адбудзецца адкрыццё выставы “Тайны канцылярыі”, створанай сумесна з даследчыкам, лаўрэатам прэміі “За духоўнае адраджэнне” Уладзімірам Ліхадзедавым.

На выставе вы даведаецеся, чым пісалі нашы продкі ў XV–XX стст., ўбачыце першыя алоўкі і асадкі, пер’ячысткі, пясочніцы, чарніліцы і інш., пісьмовыя прылады знакамітых людзей (нават уявіце, якой магла быць ручка Скарыны!). Таксама даведаецеся, які хадавы тавар айчынных і замежных вытворцаў быў у продажы ў канцылярскіх і папяровых крамах Мінска і Гродна ў старыя часы, як і што рэкламавалі на канцылярскіх прадметах пачатку ХХ ст., якія адмысловыя пісьмовыя прылады рыхтавалі ў валізку падарожнікі.

Школьная тэма экспазіцыі адкрые змесціва ранца гімназістаў розных эпох (сшыткі, алоўкі, асадкі, тачылкі, закладкі, пеналы…), а таксама прадэманструе, як выглядала парта ліцэіста А. Пушкіна.

Выстава прадставіць увазе наведвальнікаў пісьмовыя прылады вядомых асоб і прадметы, звязаныя з гісторыяй іх сям’яў, – князёў Радзівілаў, родных кампазітара С. Манюшкі, краязнаўцы і гісторыка О. Гедэмана, фінансіста Л. Палякова, нямецкага фатографа Ф. Краўскопфа, маршала С.К. Цімашэнкі і іншых.

Для сапраўдных “гурманаў канцылярыі” прадстаўлены пісьмовыя наборы, чарніліцы, аформленыя ў розных стылях, а таксама высокамастацкія ўзоры пісьмовых прылад з каштоўных матэрыялаў.

Экспазіцыя падрыхтавана ў межах аўтарскага праекта “У пошуках страчанага” і дазваляе праз прадметы калекцыі У. Ліхадзедава адкрыць цэлы мацярык, забыты пласт матэрыяльнай культуры, звязанай з традыцыяй пісьменства.


Выстава “Тайны канцылярыі” будзе працаваць ў музеі кнігі (пам. 347) да 15 лістапада 2020 г. штодзень, акрамя панядзелка і дзяржаўных свят.

Дата яе заканчэння можа быць зменена.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 25 85.

Матэрыял пададзены навукова-даследчым аддзелам кнігазнаўства.

Чытайце таксама пра адкрыццё выставы.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Сугучча

22.10.2020

З 22 кастрычніка на 3-м паверсе кальцавога калідора працуе выстаўка “Сугучча”, арганізаваная Нацыянальнай бібліятэкай Беларусі сумесна з Выдавецкім домам “Звязда”.

Рэстаўрацыйная майстэрня

27.10.2020

28 кастрычніка ў бібліятэцы адбудуцца заняткі для дзетак “Рэстаўрацыйная майстэрня” ў рамках “Клуба кніжных прафесараў”.

Бібліятэка – дом, дзе жывуць кнігі

23.10.2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.



111