ГалоўнаяМерапрыемствыСумленны грамадзянін
Спяшайцеся рабіць дабро!
“Я на плыце сваіх гадоў...”

Сумленны грамадзянін

Сумленны грамадзянін
Іншыя мерапрыемствы
1 верасня – 11 лістапада
Дата правядзення
10.00–21.00
Час правядзення
пам. 205
Месца правядзення

З 1 верасня па 11 лістапада ў зале беларускай літаратуры (пам. 205) праходзіць выстаўка “Сумленны грамадзянін”, прысвечаная 120-годдзю з дня нараджэння беларускага пісьменніка Сымона Якаўлевіча Баранавых (1900–1942).

Сымон Баранавых (сапр. Баранаў) выступаў у друку спачатку з карэспандэнцыямі як селькор. Асноўная тэма творчасці – беларуская вёска і сацыяльныя працэсы, якія адбываліся там у 1920–1930-я. У 1927 годзе апублікаваў першае апавяданне. Працаваў у Беларускім радыёцэнтры, затым адказным сакратаром часопіса “Беларусь калгасная”, у бібліятэцы Дома пісьменніка. Сябраваў з Янкам Купалам. Пасля выхаду ў 1936 годзе ў свет аповесці “Новая дарога” пакінуў службу і вырашыў цалкам аддацца мастацкай творчасці.

Малады пісьменнік, якому так хацелася ствараць новыя раманы, аповесці, паспеў толькі паспрабаваць сваё пяро да той незабыўна жахлівай ночы 3 лістапада 1936 года, калі яго беспадстаўна арыштавалі, выслалі ў Новасібірскую вобласць, а затым на Калыму, адкуль яму не суджана было вярнуцца... Памёр Сымон Баранавых у самым росквіце сіл, далёка ад роднай Беларусі. Абставіны склаліся так, што ён не змог ажыццявіць свае творчыя планы, якіх у яго было шмат. Але і тое, што ён паспеў зрабіць, ставіць яго імя побач з лепшымі празаікамі таго часу. Яго творы – самабытная, цікавая і яркая старонка ў развіцці нацыянальнай літаратуры.

На выстаўцы прадстаўлены зборнік апавяданняў “Злосць”, аповесці “Чужая зямля”, “Межы”, “Новая дарога”, аповесць для дзяцей “Пастка”, раман “Калі ўзыходзіла сонца”, зборнік “Новая дарога”, творы пісьменніка ў часопісах і літаратурных зборніках, пераклады.

Дапаўняюць экспазіцыю крытычныя матэрыялы пра жыццё і творчасць Сымона Якаўлевіча.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Літаратуры і літаратарам міжваеннага перыяду (1920–1930 гадоў) прысвечаны віртуальны праект “На хвалі часу, у плыні жыцця”.
Мерапрыемствы

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Сусветныя экасістэмы: захаванне, ахова, аднаўленне

12.01.2021

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).

Канстытуцыі Рэспублікі Беларусь: правы, абавязкі, адказнасць

11.01.2021

З 11 студзеня па 28 сакавіка ў зале прававой інфармацыі (пам. 207b) адкрыта тэматычная выстава “Канстытуцыі Рэспублікі Беларусь: правы, абавязкі, адказнасць”, прысвечаная Дню Канстытуцыі Рэспублікі Беларусь (15 сакавіка).



Бібліятэкарам
111