ГалоўнаяМерапрыемствыWet-on-wet: адкрылася выстаўка акварэлі Вячаслава Паўлаўца
Заняткі для пачынаючых карыстальнікаў ПК
Пяшчотаю прасветленае слова

Wet-on-wet: адкрылася выстаўка акварэлі Вячаслава Паўлаўца

Wet-on-wet: адкрылася выстаўка акварэлі Вячаслава Паўлаўца
Іншыя мерапрыемствы
25 сакавіка – 20 чэрвеня
Дата правядзення
10.00–21.00
Час правядзення
галерэя "Лабірынт" (3-ці паверх)
Месца правядзення

Наведвальнікаў галерэі “Лабірынт” чакае выстаўка “Wet-on-wet. Акварэльны жывапіс Вячаслава Паўлаўца”.

Вячаслаў Паўлавец – вядомы беларускі мастак, графік, ілюстратар, дызайнер, выдатны майстра акварэлі, верны яе прыхільнік, які тонка адчувае адмысловую філасофію матэрыялу. “Акварэль сфарміравала мой лад жыцця, неўпрыкмет «перацякла» ў жыццятворчасць”,– лічыць майстра. 

У экспазіцыі прадстаўлены работы розных гадоў і серый, аб’яднаныя тэхнікай выканання wet-on-wet (allaprima, мокрым па мокраму). Гэта тэхніка акварэльнага жывапісу, у якой пласты вільготнай фарбы наносяцца на раней уведзеныя пласты. Мастаку трэба  працаваць хутка, бо ўсё павінна быць скончана да таго, як высахнуць першыя пласты.

Акварэлі Паўлаўца – праекцыя эмоцый на аркуш паперы, амаль медытацыя, філасофскае разважанне, лаканічнае выяўленчае хоку, рэальнасць праз светапогляд майстра. Яго безумоўныя шэдэўры – манахромныя мінімалістычныя пейзажы. Мастак апеў і ўзвысіў да паэтычнай метафары беларускі бяссонечны “шэранькі дзянёк”, у якім убачыў дзясяткі найтанчэйшых нюансаў. 


Наведаць выстаўку можна ў галерэі “Лабірынт” (3-ці паверх) да 20 чэрвеня 2020 года.
Дата завяршэння яе экспанавання можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 266 37 37, 293 28 33, 293 28 81.
E-mail: pr@nlb.by

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

З глыбінь перажытага

07.04.2020

З 7 красавіка па 30 мая ў зале беларускай літаратуры (пам. 205) праходзіць выстаўка “З глыбінь перажытага”, прымеркаваная да 100-годдзя з дня нараджэння беларускага пісьменніка Аляксея Нічыпаравіча Карпюка (1920–1992).

Здароўе нацыі – аснова росквіту дзяржавы

03.04.2020

З 3 красавіка па 12 мая ў аддзеле абслугоўвання афіцыйнымі дакументамі (пам. 207) адкрыта тэматычная выстава “Здароўе нацыі – аснова росквіту дзяржавы”, прысвечаная Сусветнаму дню здароўя.

Свет дзяцінства

01.04.2020

З 1 красавіка па 30 красавіка запрашаем на выставу “Свет дзяцінства” ў чытальнай зале аддзела міжбібліятэчнага абанемента і дастаўкі дакументаў (пам. 164).

Мастак, які малюе час

01.04.2020

З 1 красавіка па 2 мая ў зале дакументаў па мастацтве (пам. 306) праходзіць кніжна-ілюстрацыйная выстаўка “Мастак, які малюе час”, прысвечаная 90-годдзю з дня нараджэння вядомага беларускага жывапісца і педагога Мая Вольфавіча Данцыга (1930–2017).

Пяшчотаю прасветленае слова

20.03.2020

З 20 сакавіка па 27 красавіка ў зале беларускай літаратуры (пам. 205) праходзіць выстаўка “Пяшчотаю прасветленае слова”, прысвечаная 100-годдзю з дня нараджэння беларускага паэта Аляксея Васілевіча Пысіна (1920–1981).

Назіранне за сусветным навакольным асяроддзем: надвор’е, клімат, водныя рэсурсы

19.03.2020

З 19 сакавіка па 20 красавіка ў зале дакументаў міжнародных арганізацый (пам. 207g) адкрыта тэматычная выстаўка “Назіранне за сусветным навакольным асяроддзем: надвор’е, клімат, водныя рэсурсы”, прысвечаная Сусветнаму метэаралагічнаму дню і 70-годдзю Сусветнай метэаралагічнай арганізацыі (СМА).

У полі зроку эканаміста: па старонках перыядычных выданняў

02.03.2020

Пазнаёміцца з газетамі і часопісамі па эканоміцы запрашае зала перыядычных выданняў (пам. 106), дзе з 2 сакавіка па 30 красавіка праходзіць тэматычная выстаўка “У полі зроку эканаміста: па старонках перыядычных выданняў”.



111