ГалоўнаяМерапрыемствыНазіранне за сусветным навакольным асяроддзем: надвор’е, клімат, водныя рэсурсы
Заняткі для пачынаючых карыстальнікаў ПК
Якім быў шлях да Вялікай Перамогі?

Назіранне за сусветным навакольным асяроддзем: надвор’е, клімат, водныя рэсурсы

Назіранне за сусветным навакольным асяроддзем: надвор’е, клімат, водныя рэсурсы
Іншыя мерапрыемствы
19 сакавіка – 20 красавіка
Дата правядзення
10.00–21.00
Час правядзення
пам. 207g
Месца правядзення

З 19 сакавіка па 20 красавіка ў зале дакументаў міжнародных арганізацый (пам. 207g) адкрыта тэматычная выстаўка “Назіранне за сусветным навакольным асяроддзем: надвор’е, клімат, водныя рэсурсы”, прысвечаная Сусветнаму метэаралагічнаму дню і 70-годдзю Сусветнай метэаралагічнай арганізацыі (СМА).

Сусветны метэаралагічны дзень штогод святкуецца 23 сакавіка пачынаючы з 1961 года. Дата абрана не выпадкова – у гэты дзень у 1950 годзе ўступіла ў сілу Канвенцыя, у адпаведнасці з якой была створана Сусветная метэаралагічная арганізацыя (СМА).

Сусветная метэаралагічная арганізацыя бярэ свой пачатак ад Міжнароднай метэаралагічнай арганізацыі, заснаванай у 1873 годзе. У 1951 годзе СМА стала спецыялізаванай установай Арганізацыі Аб’яднаных Нацый у галіне метэаралогіі, аператыўнай гідралогіі і сумежных геафізічных навук.

СМА – аўтарытэтная крыніца інфармацыі па пытаннях стану і паводзін атмасферы Зямлі, яе ўзаемадзеяння з акіянамі, клімату і размеркавання водных рэсурсаў. Членскі склад арганізацыі налічвае 187 краін-членаў і 6 тэрыторый. Штаб-кватэра СМА знаходзіцца ў Жэневе, Швейцарыя.

З моманту свайго стварэння СМА адыгрывае важную ролю ў справе садзейнічання бяспекі і дабрабыту ўсяго чалавецтва. Пад яе кіраўніцтвам і ў рамках праграм СМА нацыянальныя метэаралагічныя і гідралагічныя службы ўносяць істотны ўклад у абарону жыцця і маёмасці ад стыхійных бедстваў, ахову навакольнага асяроддзя і ўмацаванне эканамічнага і сацыяльнага дабрабыту ўсіх слаёў грамадства.

СМА ўмацоўвае ўзаемадзеянне паміж нацыянальнымі метэаралагічнымі і гідралагічнымі службамі сваіх краін-членаў і спрыяе ўжыванню метэаралогіі ў сельскай гаспадарцы, авіяцыі, суднаходстве, а таксама ў ахове навакольнага асяроддзя, водных рэсурсаў і змякчэнні наступстваў стыхійных бедстваў.

Сусветны дзень метэаралогіі адзначаецца як напамін пра важнасць правядзення метэаралагічных даследаванняў і захавання атмасферы і гідрасферы планеты. Ён дэманструе істотны ўклад нацыянальных метэаралагічных і гідралагічных службаў у гарантыю бяспекі і дабрабыту грамадства і адзначаецца мерапрыемствамі па ўсім свеце.

Кожны год СМА святкуе Сусветны метэаралагічны дзень пад пэўным дэвізам, надаючы асаблівую ўвагу канкрэтнай і актуальнай на дадзены момант тэме. У 2020 годзе Сусветны метэаралагічны дзень і Сусветны дзень водных рэсурсаў сумесна выкарыстоўваюць тэму “Клімат і вада”. Дэвіз Дня – “Беражом кожную кроплю – кожная кропля на рахунку!”. Асноўная ўвага сёлета надаецца больш скаардынаванаму і ўстойліваму кіраванню кліматам і воднымі рэсурсамі, паколькі яны непарыўна звязаны паміж сабой. І тое і другое ляжыць у аснове глабальных Мэт устойлівага развіцця, змены клімату і памяншэння небяспекі бедстваў.

На выставе прадстаўлена больш за 70 дакументаў на рускай і англійскай мовах: кнігі, брашуры, мімеаграфаваныя матэрыялы, перыядычныя выданні.

Экспазіцыя складаецца з наступных тэматычных раздзелаў:

  • Метэаралогія – навука пра атмасферу Зямлі
  • Сучасныя сістэмы назіранняў за надвор’ем
  • СМА – 70 гадоў службы ў інтарэсах бяспекі і дабрабыту
  • Міжнародныя намаганні па маніторынгу і абароне навакольнага асяроддзя
  • Змена клімату і кіраванне воднымі рэсурсамі

Выстаўка прызначана для спецыялістаў у галіне метэаралогіі, гідралогіі, экалогіі, геафізічных навук, студэнтаў і выкладчыкаў, навуковых работнікаў, а таксама ўсіх, хто цікавіцца пытаннямі змены клімату і аховы навакольнага асяроддзя.

Карысныя спасылкі


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 28.

Матэрыял прадастаўлены аддзелам абслугоўвання афіцыйнымі дакументамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Пяшчотаю прасветленае слова

20.03.2020

З 20 сакавіка па 27 красавіка ў зале беларускай літаратуры (пам. 205) праходзіць выстаўка “Пяшчотаю прасветленае слова”, прысвечаная 100-годдзю з дня нараджэння беларускага паэта Аляксея Васілевіча Пысіна (1920–1981).

У полі зроку эканаміста: па старонках перыядычных выданняў

02.03.2020

Пазнаёміцца з газетамі і часопісамі па эканоміцы запрашае зала перыядычных выданняў (пам. 106), дзе з 2 сакавіка па 30 красавіка праходзіць тэматычная выстаўка “У полі зроку эканаміста: па старонках перыядычных выданняў”.

Якім быў шлях да Вялікай Перамогі?

17.03.2020

17 сакавіка ў 11.00 у галерэі “Атрыум” (3-ці паверх) пройдзе адкрыццё гісторыка-дакументальнай выставы “Шлях да Перамогі: гістарычныя крыніцы сведчаць”, прымеркаванай да 75-годдзя вызвалення Усходняй Еўропы ад нацызму.

Правобраз еўрапейскай Канстытуцыі

16.03.2020

“Правобраз еўрапейскай Канстытуцыі” – выстава рарытэтаў з Беларусі і Латвіі, прымеркаваная да Дня Канстытуцыі, адкрыецца 16 сакавіка ў музеі кнігі Нацыянальнай бібліятэкі Беларусі.

Закон, па якім жыве краіна

09.03.2020

З 9 па 18 сакавіка ў зале прававой інфармацыі (пам. 207b) адкрыта тэматычная выстаўка “Закон, па якім жыве краіна”, прысвечаная Дню Канстытуцыі Рэспублікі Беларусь.



111