ГалоўнаяМерапрыемствыНе прапусці прыгожыя імгненні
Кніжная выстава да Адзінага дня бяспекі
Biełaruskaja łacinka

Не прапусці прыгожыя імгненні

Не прапусці прыгожыя імгненні
Іншыя мерапрыемствы
21 лютага – 18 сакавіка
Дата правядзення
10.00–21.00
Час правядзення
галерэя "Лабірынт" (3-ці паверх)
Месца правядзення

Да Міжнароднага дня роднай мовы Нацыянальная бібліятэка Беларусі сумесна з тэлеканалам "Беларусь 24" падрыхтавала фотавыставу “Беларусь: прыгожыя імгненні”.

Наведвальнікаў чакае серыя з 20 здымкаў, якія адлюстроўваюць сімвалы, прыроду, культуру нашай радзімы.

У экспазіцыі Беларусь паўстае прыгожай, квітнеючай, разнастайнай і непаўторнай краінай са шматвяковай гісторыяй, помнікамі старажытнай культуры і архітэктуры, сучаснымі будынкамі і наватарскімі ідэямі. Гледачы могуць разгледзець маляўнічы жывёльны і раслінны свет, чароўныя раўнінныя пейзажы, глухія лясы, сотні кіламетраў запаведнікаў і тысячы азёр.

Сімвалічнымі для краіны сталі жывёла зубр, расліны валошка, лён і канюшына, птушка бусел. З кожным з іх звязаны шэраг легенд і паданняў.

Зубр – візітоўка багатага і разнастайнага жывёльнага свету Беларусі, самыя цяжкія і вялікія наземныя млекакормячыя на еўрапейскім кантыненце, апошнія ў Еўропе прадстаўнікі дзікіх быкоў.

Валошка – традыцыйная кветка-муза беларускіх паэтаў, пісьменнікаў і мастакоў, якая сімвалізуе чысціню, ветлівасць і дружалюбнасць.

Бусел – сімвал нацыянальнай чысціні, вернасці, адданасці і бацькоўскай любові, сімвал перамогі дабра над злом. Птушка лічыцца духам-заступнікам дома, які прыносіць жыхарам росквіт.

Аўтары фотаздымкаў: Ігар Бышнёў, Максім Вейзэ, Юлія Войніч, Кацярына Міціна, Сяргей Плыткевіч, Улад Сакалоўскі, Сяргей Тарасаў. У кожным здымку фотамастакоў – свой настрой, свой характар, свая гісторыя.

На працягу 2020 года выстава будзе экспанавацца ў розных краінах Еўропы. Збор фотавобразаў Беларусі не пакіне гледачоў абыякавымі і зробіць так, што краіна і кожны з вобразаў-імгненняў запомняцца надоўга.

Убачыць яе ў бібліятэцы можна ў галерэі “Лабірынт” (3-ці паверх) да 18 сакавіка 2020 г.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: 8 (017) 293 28 81.
E-mail: pr@nlb.by

Матэрыял прадастаўлены аддзелам сувязей з грамадскасцю.

Мерапрыемствы

Слова – багацце

24.11.2021

Да 100-годдзя з дня нараджэння Сцяпана Александровіча з 24 лістапада па 2 студзеня ў зале беларускай літаратуры (пам. 205) праходзіць юбілейная выстаўка “Слова – багацце”.

Ён прыйшоў да нас з дзяцінства

18.11.2021

З 18 лістапада па 31 снежня ў зале нотных і аўдыявізуальных дакументаў (пам. 305) праходзіць выстава “Ён прыйшоў да нас з дзяцінства”, прысвечаная 80-годдзю кампазітара Сяргея Пятровіча Баневіча.

“Беларускі погляд Даўгаўпілса”: у бібліятэцы адкрыецца фотавыстава Эдуарда Літвіноўскага

18.11.2021

22 лістапада ў рамках Года народнага адзінства пачала працу фотавыстава “Беларускі погляд Даўгаўпілса”, арганізаваная Нацыянальнай бібліятэкай Беларусі і Рэспубліканскім цэнтрам нацыянальных культур.

Паэзіі святло зямное

17.11.2021

З 17 лістапада 2021 г. па 4 студзеня 2022 г. у зале беларускай літаратуры (пам. 205) праходзіць юбілейная выстаўка “Паэзіі святло зямное”, прысвечаная 90-годдзю беларускага паэта, драматурга, публіцыста, крытыка, перакладчыка Анатоля Ільіча Вярцінскага.



Бібліятэкарам