Дата правядзення
Час правядзення
Месца правядзення
З 30 студзеня ў галерэі “Мабільная” (кальцавы калідор 3-га паверха) пачынае працу фотавыстаўка Васіля Белякова “Таямніцы беларускай прыроды”.
2020 год – трэці Год малой радзімы – падводзіць вынікі працы за два гады, завяршае і ўдакладняе тэму роднай зямлі. Магчыма, гэта фотавыстаўка зверне ўвагу наведвальнікаў на тыя мясціны, куды не давялося кінуць погляд жывапісцам і акварэлістам, але куды змог зазірнуць апантаны ідэяй фатограф.
Васіль Белякоў вандруе па роднай краіне з мэтай знайсці, заўважыць, убачыць і зафіксаваць усё самае цікавае і непаўторнае. 30 тысяч кіламетраў па Беларусі пройдзена падарожнікам у пешых і веласіпедных маршрутах за цёплыя сезоны 2013–2019 гадоў. Колькі фотаматэрыялу адзнята – не злічыць. Цягам апошняга дзесяцігоддзя стыль, сэнс і лад жыцця вандроўніка і фотамастака – адкрыць дзіўныя таямніцы роднай прыроды, адлюстраваць спалучэнні колераў, заўважыць адзінства супрацьлеглага, спалучыць неспалучальнае, дачакацца ўнікальнага і занатаваць чароўнае.
Азнаёміцца з выстаўкай можна да 22 мая 2020 г.
Дата яе завяршэння можа быць зменена.
Тэлефоны для даведак: (8 017) 293 81 80, 293 28 81.
Е-mail: pr@nlb.by