Дата правядзення
Час правядзення
Месца правядзення
8 лютага ў межах пасяджэнняў “Клуба кніжных прафесараў” ладзяцца ўнікальныя заняткі з паэткай Анхелай Эспіноса.
Чакаецца размова пра кнігі, мовы і літаратуру. Вядома, пачытаем вершы. Кожны ўдзельнік зможа задаць пытанні і атрымаць на памяць аб сустрэчы аўтограф знакамітай госці.
Анхела Эспіноса нарадзілася ў іспанскім горадзе Малага і пачала пісаць вершы, калі ёй было шэсць гадоў. Яна валодае шматлікімі мовамі, вывучае беларускую мову і літаратуру, абараніла ў Іспаніі дысертацыю па беларускай літаратуры, піша вершы на беларускай мове.
Аўтарка зборнікаў вершаў і прозы “Раяль ля мора” (2015), “Памяць пра будучыню” (2015), “Pomme de ciel” (2017) і “Колер крылаў. Паэзія і проза” (2019). Творы Анхелы друкаваліся ў часопісах “Маладосць”, “Дзеяслоў”, “Полымя” і інш.
У 2017 годзе яна пераклала на іспанскую мову вершы Максіма Багдановіча, якія ўвайшлі ў выдадзены ў Мадрыдзе зборнік “Згукі маёй Бацькаўшчыны”.
Кошт заняткаў: 4.50 руб.
Дата: 8 лютага 2020 г.
Пачатак: 15.00.
Месца: музей кнігі (пам. 347).
Тэлефоны для даведак і запісу: (8 044) 579 39 07, (8 017) 293 27 82.
Матэрыял прадастаўлены навукова-даследчым аддзелам кнігазнаўства.
