ГалоўнаяМерапрыемствыГэты цудоўны свет жывёл: анімалістычны жанр у выяўленчым мастацтве
Заняткі на выставе “Энцыклапедыя. Нацыянальны праект”
Дзень літаб’яднання “Маладняк”

Гэты цудоўны свет жывёл: анімалістычны жанр у выяўленчым мастацтве

Гэты цудоўны свет жывёл: анімалістычны жанр у выяўленчым мастацтве
Іншыя мерапрыемствы
17 студзеня – 4 лютага
Дата правядзення
10.00–21.00
Час правядзення
пам. 306
Месца правядзення

З 17 студзеня па 4 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Гэты цудоўны свет жывёл: анімалістычны жанр у выяўленчым мастацтве”.

Разнастайнасць і прыгажосць жывёл, іх дзіўныя разнавіднасці і мудрагелістыя формы на працягу многіх стагоддзяў натхнялі жывапісцаў і архітэктараў, скульптараў і ювеліраў. Экспазіцыя выбудавана па храналагічным прынцыпе ад старажытнасці да сучаснасці, што дазваляе прасачыць эвалюцыю вобраза жывёлы ў творчасці прадстаўнікоў розных эпох і стыляў, у традыцыях Захаду і Усходу. Наведвальнікі ўбачаць рэпрадукцыі першабытнага наскальнага жывапісу, старажытнаегіпецкага Сфінкса і бога Анубіса з галавой сабакі, выяву скульптуры знакамітай Капіталійскай ваўчыцы.

Цікавасць выклічуць створаныя ў эпоху Адраджэння вобразы жывёл на палотнах “Дама з гарнастаем” Л. да Вінчы, “Заяц” А. Дзюрэра, “Паляўнічыя на снезе” П. Брэйгеля. Прыцягнуць увагу сцэны палявання, створаныя П. Рубенсам, “Малпы ў кухні” Д. Тэнірса Малодшага, скульптура “Гібель Адоніса” Д. Мацуолы, шматлікія выявы коней і вершнікаў (работы Э. Дэлакруа, Т. Жэрыко, анімаліста Д. Стабса). Не пакінуць абыякавымі вярблюды, ослікі, жыраф грузінскага мастака-прымітывіста Н. Пірасмані. Таксама прадстаўлены работы сучасных майстроў (інсталяцыі Д. Хёрста, творы фотамастакоў і інш.).

Выстаўка пазнаёміць з вобразамі жывёл ва ўсходнім мастацтве: індыйскімі мініяцюрамі, японскімі гравюрамі гуатаку (адлюстраванне рыб). Ілюстраваныя альбомы раскрыюць сакрэты мініяцюрнай разной скульптуры нэцке, якая ўвасабляе фантастычных звяроў і птушак. Пакінуць незабыўнае ўражанне і вобразы жывёл у ювелірным мастацтве, у прыватнасці – у скіфскіх упрыгожваннях.

Экспазіцыя ўключае рэпрадукцыі палотнаў рускіх жывапісцаў, такіх як “Вершніца” К. Брулова, “Раніца ў сасновым лесе” І. Шышкіна, “Стрыжка бараноў” П. Кузняцова, “Купанне чырвонага каня” К. Пятрова-Водкіна, выявы скульптур П. Клода , работ графіка і скульптара-анімаліста В. Ватагіна, карэкатурных звяроў В. Чыжыкава, а таксама жывёл як элементаў архітэктуры.

Асобнай увагі заслугоўваюць вобразы жывёл у творчасці беларускіх мастакоў М. Шагала, А. Лось, Л. Шчамялёва, М. Селешчука, А. Концуба, У. Акулава, скульптуры У. Жбанава, работы скульптара-конніка С. Бандарэнкі, міфалагічныя істоты ў творчасці графіка В. Славука.

Дапаўняюць выстаўку матэрыялы пра тое, як маляваць хатніх і дзікіх звяроў, птушак і насякомых. Не пакінуць абыякавымі маляўнічыя энцыклапедыі аб рэдкіх і знікаючых відах жывёл, значная частка з якіх прысвечана жывёльнаму свету Беларусі.

Спіс літаратуры


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.

Размова з адвакатам аб куплі-продажы нерухомасці

15.10.2020

23 кастрычніка запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Пяшчотная, мілая, добрая

13.10.2020

З 13 кастрычніка па 30 лістапада ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).

Прывілеі і вольнасці гарадоў Вялікага Княства Літоўскага

12.10.2020

З 12 кастрычніка 2020 г. па 4 студзеня 2021 г. у зале прававой інфармацыі (пам. 207b) адкрыта тэматычная выстава “Прывілеі і вольнасці гарадоў Вялікага Княства Літоўскага”, прысвечаная 390-годдзю Магдэбургскага права на Беларусі.



111