ГалоўнаяМерапрыемствыЗ надыходзячым 2020 годам!
Экскурсія-квест “У пошуках спадчыны Францыска Скарыны”
ЮНКТАД – 55 гадоў развіцця і супрацоўніцтва

З надыходзячым 2020 годам!

З надыходзячым 2020 годам!
Іншыя мерапрыемствы
31 снежня
Дата правядзення
09.00–10.00
Час правядзення
канферэнц-зала
Месца правядзення

30 снежня прайшоў навагодні канцэрт для супрацоўнікаў Нацыянальнай бібліятэкі Беларусі.

У займальным прадстаўленні па матывах казкі Эрнста Гофмана “Шчаўкунок і Мышыны кароль” узялі ўдзел супрацоўнікі “алмаза ведаў”, а Дзеда Мароза сыграў вядомы беларускі акцёр Аляксандр Абрамовіч.

Разам з казачнымі персанажамі гледачы калолі арэх кракатук, назіралі за вайной з Мышыным каралём, атрымлівалі асалоду ад шоу барабаншчыц «Foxy Beat», выступаў артыстаў тэатра танца “Менада” і Беларускага дзяржаўнага акадэмічнага музычнага тэатра, а таксама падарожнічалі па бібліятэцы разам з галоўным героем навагодняй імпрэзы – Шчаўкунком.

На сцэну выйшаў хросны Драсельмеер, больш вядомы як дырэктар Нацыянальнай бібліятэкі Раман Матульскі. Ён уручыў падарунак сваёй казачнай хрэсніцы Марыі і павіншаваў прысутных з навагоднімі святамі.

Нечакана для ўсіх завяршылася ператварэнне Шчаўкунка ў чалавека – ім апынуўся таленавіты выканаўца Аляксей Хлястоў.

У канцы прагучала кранальная і натхняльная песня пра навагодні цуд.

Дарагія калегі, з надыходзячым Новым годам! Напаўняйце сваё жыццё радаснымі імгненнямі, а цяжкасці... няхай расколваюцца, як арэхі, – лёгка і проста! Нават калі чарговы з іх апынуўся зачараваным кракатукам.

Матэрыял прадастаўлены аддзелам сувязей з грамадскасцю.

Мерапрыемствы

Калі гліна ажывае

27.09.2021

З 27 верасня па 17 кастрычніка ў зале дакументаў па мастацтве (пам. 306) праходзіць кніжна-ілюстрацыйная выстава “Калі гліна ажывае”: кераміка і фарфор з калекцыі выяўленчых дакументаў Нацыянальнай бібліятэкі Беларусі.

Прывесці ў рух энергію сумлення

21.09.2021

З 21 верасня па 15 лістапада ў зале беларускай літаратуры (пам. 205) праходзіць выстаўка “Прывесці ў рух энергію сумлення”, прысвечаная 90-годдзю з дня нараджэння народнага паэта Беларусі, літаратуразнаўца, фалькларыста, перакладчыка, заслужанага дзеяча навукі Беларусі Ніла Сымонавіча Гілевіча (1931–2016).

“Арт-Мінск 2021”

16.09.2021

21 верасня а 17-й гадзіне ў галерэі “Атрыум” (3-ці паверх) Нацыянальнай бібліятэкі Беларусі адкрылася выстаўка “Арт-Мінск 2021”.

Размова з адвакатам аб праве ў сферы медыцыны

15.09.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Храмы часу, памяці, думкі

14.09.2021

Напярэдадні юбілейнага года святкавання стагоддзя Нацыянальнай бібліятэкі Беларусі да прафесійнага свята – Дня бібліятэк Беларусі – прымеркавана выстаўка “Храмы часу, памяці, думкі”.



Бібліятэкарам