З 16 снежня па 31 студзеня запрашаем на выстаўку “З Новым 2020 годам, сябры!” у чытальнай зале аддзела міжбібліятэчнага абанемента і дастаўкі дакументаў (пам. 164).

Новы год. Час абяцанняў і веры ў тое, што з раніцы ўсё пачнецца нанава, стане лепш і больш шчасліва.
Януш Леон Вішнеўскі

Новы год – самае добрае, прыгожае і вясёлае свята! З дзяцінства мы чакаем цуду і чараўніцтва галоўнай урачыстасці зімы! Атмасфера свята пануе паўсюль: на плошчах вырастаюць прыгажуні ёлкі, вокны дамоў пераліваюцца рознакаляровымі агеньчыкамі, вітрыны крам заклікаюць навагоднімі сувенірамі. Здаецца, што нават паветра напоўнена чараўніцтвам!

Для стварэння святочнага настрою і навагодняй атмасферы супрацоўнікамі бібліятэкі арганізавана выстаўка “З Новым 2020 годам, сябры!”. У экспазіцыі прадстаўлены не толькі мастацкія кнігі, але і літаратура з цікавымі ідэямі па афармленні святочнага стала, складанні навагодняга меню, рэкамендацыямі па выбары святочных убораў, стварэнні сувеніраў і ёлачных упрыгажэнняў сваімі рукамі.

Час работы выстаўкі:

пн. – чц.: 10.00–19.00,
пт.: 10.00–18.00,
сб., нядз. – выхадны.

Уваход – па чытацкім білеце або білеце сацыякультурнага цэнтра.

Спіс літаратуры па тэме

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 27 10.

Матэрыял прадастаўлены аддзелам міжбібліятэчнага дакумента і дастаўкі дакументаў.