Дата правядзення
Час правядзення
Месца правядзення
З 3 па 25 снежня ў зале дакументаў міжнародных арганізацый (пам. 207g) адкрыта тэматычная выстаўка “Прававая і сацыяльная абарона інвалідаў”, прысвечаная Міжнароднаму дню інвалідаў.
Гэты Дзень быў абвешчаны Генеральнай асамблеяй ААН у 1992 годзе (рэзалюцыя А/RES/47/3) падчас правядзення Дзесяцігоддзя інвалідаў Арганізацыі Аб’яднаных Нацый (1983–1992 гады) і штогод адзначаецца 3 снежня, што дазволіла прыцягнуць увагу да становішча інвалідаў і распрацаваць стратэгічны план дзеянняў па забеспячэнні роўнага доступу інвалідаў да ўсіх аспектаў жыцця грамадства. Мэтай Дня гэтак жа з’яўляецца выяўленне і ліквідацыя перашкод і бар’ераў, якія замінаюць забеспячэнню ўмоў для рэалізацыі праў і вялізнага патэнцыялу асоб з абмежаванымі магчымасцямі.
На сённяшні дзень насельніцтва свету складае больш за 7 мільярдаў. Больш за 1 мільярд чалавек маюць тую ці іншую форму інваліднасці, а гэта – кожны сёмы жыхар нашай планеты. Больш за 100 мільёнаў інвалідаў – дзеці.
Інваліды часцей за іншых сутыкаюцца з беднатой і нягодамі і маюць удвая больш шанцаў на тое, каб застацца неахопленымі медыцынскім абслугоўваннем. Узровень занятасці сярод інвалідаў у некаторых краінах складае ўсяго толькі трэць ад узроўню занятасці насельніцтва ў цэлым. У краінах, якія развіваюцца, разрыў у паказчыках ахопу пачатковай школай дзяцей-інвалідаў і астатніх дзяцей вагаецца ў межах ад 10 да 60 працэнтаў. Такое нераўнапраўе ў мностве форм і праяўленняў мае вялікія выдаткі, прычым не толькі для інвалідаў, але і для грамадства ў цэлым. Разумеючы важнасць праблемы, ААН і іншыя міжнародныя арганізацыі, накіроўваюць свае намаганні на барацьбу з негатыўным стаўленнем да людзей абмежаваных магчымасцей, з сацыяльнымі, эканамічнымі і культурнымі бар'ерамі, якія перашкаджаюць інвалідам стаць паўнапраўнымі членамі грамадства.
Прыняцце Канвенцыі аб правах інвалідаў у 2006 годзе стала лагічным працягам шматгадовай працы ААН у гэтай галіне. А Парадак дня ў галіне ўстойлівага развіцця да 2030 года і шэраг асноўных глабальных стратэгій у галіне развіцця замацоўваюць асновы дзейнасці па далейшай папулярызацыі праў інвалідаў. У чэрвені 2019 года Генеральны сакратар ААН Антоніу Гутэрыш абвясціў аб пачатку рэалізацыі Стратэгіі ААН па інтэграцыі інвалідаў, праз гэта арганізацыі сістэмы ААН пацвярджаюць, што поўнае і ўсебаковае ажыццяўленне праў чалавека ўсіх інвалідаў з’яўляецца неад’емным, цэласным і непадзельным элементам усіх праў чалавека і асноўных свабод.
Кожны год Міжнародны дзень інвалідаў прысвечаны пэўнай тэме. Тэма 2019 года: “Забеспячэнне актыўнага ўдзелу інвалідаў у жыцці грамадства – рэалізацыя Парадку дня ў галіне ўстойлівага развіцця на перыяд да 2030 года”.
Парадак дня да 2030 года накіраваны на дасягненне дабрабыту для ўсіх жыхароў планеты. Інваліды могуць унесці свой пасільны ўклад у вырашэнне гэтай задачы, уключаючы дзейнасць у галіне змякчэння наступстваў стыхійных бедстваў, гуманітарных аперацый і горадабудаўніцтва.
Матэрыялы выстаўкі раскрываюць розныя аспекты дзейнасці ААН і іншых арганізацый, накіраваныя на далейшую распрацоўку і прымяненне міжнародных норм і стандартаў адносна інвалідаў і іх раўнапраўнага ўдзелу ў грамадскім жыцці і развіцці грамадства.
Экспазіцыя налічвае каля 70 дакументаў на рускай і англійскай мовах: кнігі, перыядычныя выданні, брашуры.
Большую частку складаюць дакументы міжнародных арганізацый (ААН, ЮНЕСКА, Еўрапейскага саюза, Савета Еўропы і інш.).
Выстаўка ўключае наступныя тэматычныя раздзелы:
- Інваліды і грамадства (агульныя пытанні)
- Міжнародныя нормы і стандарты адносна інвалідаў, правы інвалідаў
- Сацыяльная абарона і адукацыя інвалідаў
- Праблемы дзіцячай інваліднасці
- Медыцынская і псіхалагічная рэабілітацыя інвалідаў
- Прававыя гарантыі сацыяльнай абароны інвалідаў у РБ
Выстаўка будзе цікавая спецыялістам у галіне сацыяльнай палітыкі і сацыяльнай работы, медыцынскім работнікам і работнікам служб сацыяльнай абароны насельніцтва, сацыёлагам, самім інвалідам, студэнтам і выкладчыкам сацыяльных дысцыплін.
Карысныя спасылкі
Міжнародныя інструменты
- Канвенцыя аб правах інвалідаў (2006 год)
- Выніковы дакумент пасяджэння высокага ўзроўню Генеральнай асамблеі, прысвечанага пытанням дасягнення мэт у галіне развіцця, сфармуляваных у Дэкларацыі тысячагоддзя, і іншых узгодненых на міжнародным узроўні мэт у галіне развіцця ў інтарэсах інвалідаў: шлях наперад –парадак дня ў галіне развіцця з удзелам інвалідаў на перыяд да 2015 года і пасля яго (2013 год)
- Стандартныя правілы забеспячэння роўных магчымасцей для інвалідаў (1993 год)
- Прынцыпы абароны псіхічна хворых асоб і паляпшэння псіхіятрычнай дапамогі (1991 год)
- Сусветная праграма дзеянняў у дачыненні да інвалідаў (1982 год)
- Дэкларацыя аб правах інвалідаў (1975 год)
- Дэкларацыя аб правах разумова адсталых асоб (1971 год)
Сістэма ААН
- Камітэт па правах інвалідаў
- Інваліднасць і статыстыка
- МАП: Інваліднасць і занятасць
- УВКПЧ: Правы інвалідаў
- ЮНЕСКА: Дзеці з абмежаванымі магчымасцямі
- УВКБ ААН: Перамешчаныя асобы-інваліды
- ЮНІСЕФ: Інваліднасць
- СААЗ: Інваліднасць
Мерапрыемствы
- Пасяджэнне высокага ўзроўню па тэме “Шлях наперад: парадак дня, які ахоплівае пытанні інваліднасці ў галіне развіцця да 2015 года і на наступны перыяд” (23 верасня 2013 года)
Міжнародныя дні
- Міжнародны дзень інвалідаў (3 снежня)
- Сусветны дзень людзей з сіндромам Даўна (21 сакавіка)
- Сусветны дзень распаўсюджвання інфармацыі аб праблеме аўтызму (2 красавіка)
- Дзень праў чалавека (10 снежня)
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 34.
Матэрыял прадастаўлены аддзелам абслугоўвання афіцыйнымі дакументамі.