ГалоўнаяМерапрыемствыЖыццё вялікае і шчодрае
Навагодні серпанцін
Звіняць калядныя званы і запрашаюць на выставу

Жыццё вялікае і шчодрае

Жыццё вялікае і шчодрае
Іншыя мерапрыемствы
29 лістапада – 19 снежня
Дата правядзення
10.00–21.00
Час правядзення
пам. 205
Месца правядзення

З 29 лістапада па 19 снежня ў зале беларускай літаратуры (пам. 205) праходзіць выстаўка “Жыццё вялікае і шчодрае”, прымеркаваная да 120-годдзя з дня нараджэння народнага пісьменніка Беларусі Міхася Лынькова (1899–1975).

Матэрыялы, прадстаўленыя на выстаўцы, раскрываюць розныя аспекты дзейнасці Міхася (Міхаіла Ціханавіча) Лынькова як таленавітага празаіка, публіцыста, вучонага, адлюстроўваюць цесную сувязь жыццёвага шляху аўтара і яго пісьменніцкай працы, паказваюць шырокі тэматычны дыяпазон яго творчасці.

Творы М. Лынькова неаднаразова перавыдаваліся і добра вядомыя чытачам розных пакаленняў. На экспазіцыйных паліцах – шматлікая літаратурная спадчына пісьменніка: першая кніга Апавяданні (1927), зборнікі Гой, Андрэй Лятун, Баян, На вялікай хвалі, выданне выбраных твораў Над Бугам, раман-эпапея Векапомныя дні, кніга замалёвак, нарысаў і апавяданняў За акіянам, зборнікі літаратурна-крытычных артыкулаў Літаратура і жыццё, Публіцыстыка і інш.

Асобнае месца ў творчасці Міхася Лынькова займаюць творы для дзяцей. Талент і майстэрства, а таксама глыбокае веданне асобы дзіцяці і ўменне пісаць захапляльна не пакідаюць абыякавымі юных чытачоў і сёння. Карыстаюцца папулярнасцю аповесці Міколка-паравоз, Пра смелага ваяку Мішку і яго слаўных таварышаў, апавяданне Янка-парашутыст і іншыя творы пісьменніка.

Дапаўняюць экспазіцыю кнігі М. Лынькова, перакладзеныя на розныя мовы свету.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Будучыня за моладдзю!

07.08.2020

З 7 жніўня па 14 верасня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Будучыня за моладдзю!”, прысвечаная Міжнароднаму дню моладзі.

Самы час ствараць гербарый!

05.08.2020

Запрашаем да цікавага творчага даследавання. Застаўся адзін месяц лета, і вакол нас вялікая колькасць разнастайных раслін. Прапануем збіраць кветкі і травы, ствараць уласны гербарый і параўноўваць з выявамі ў старадруках. Ці так выглядалі расліны 500 гадоў таму? Размяшчайце цяперашнія кветкі побач з гравюрай з мінулага і параўноўвайце!

Пра сучасную Беларусь распавядае новая выстава бібліятэкі

05.08.2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106, 1-ы паверх).

Многа-многа зрабіць

04.08.2020

У зале беларускай літаратуры (пам. 205) з 4 жніўня па 1 кастрычніка праходзіць выстаўка “Многа-многа зрабіць”, прымеркаваная да 70-годдзя Анатоля Леанідавіча Вераб'я – беларускага крытыка і літаратуразнаўца, кандыдата філалагічных навук, педагога, рэдактара, члена Саюза пісьменнікаў Беларусі, лаўрэата Літаратурнай прэміі імя У. Калесніка.

Брытанская канстытуцыя як прававы феномен

03.08.2020

З 3 жніўня па 11 кастрычніка ў зале прававой інфармацыі (пам. 207b) адкрыта тэматычная выстаўка “Брытанская канстытуцыя як прававы феномен”, прысвечаная 805-годдзю падпісання Вялікай хартыі вольнасцей.

Наперадзе часу

24.07.2020

100-годдзю з дня нараджэння пісьменнікаў-фантастаў Айзека Азімава і Рэя Брэдберы прысвечана выстаўка “Наперадзе часу”, якая размешчана ў кальцавым калідоры 3-га паверха бібліятэкі.



111