ГалоўнаяМерапрыемствыПартызанскі архіў: бібліятэка прэзентуе мультымедыйныя выданні
Размова з адвакатам аб зваротах грамадзян
У бібліятэцы стартуе Тыдзень кнігі Ірана

Партызанскі архіў: бібліятэка прэзентуе мультымедыйныя выданні

Партызанскі архіў: бібліятэка прэзентуе мультымедыйныя выданні
Іншыя мерапрыемствы
19 лістапада
Дата правядзення
16.00–17.30
Час правядзення
атрыум (2-гі паверх)
Месца правядзення

19 лістапада ў бібліятэцы адбудзецца прэзентацыя першага выпуску серыі мультымедыйных выданняў “Партызанскі архіў” – электроннага дакументальнага выдання “Аператыўныя і разведвальныя зводкі Беларускага штаба партызанскага руху: 1944 год” – сумеснага праекта Нацыянальнага архіва Рэспублікі Беларусь і Нацыянальнай бібліятэкі Беларусі. Выданне прысвечана да 75-годдзя вызвалення Беларусі ад нямецка-фашысцкіх захопнікаў.

Зборнік уключае ў сябе 100 дакументаў Беларускага штаба партызанскага руху з фондаў Нацыянальнага архіва Рэспублікі Беларусь. У іх знайшлі адлюстраванне асноўныя падзеі баявой і разведвальнай дзейнасці беларускіх партызан. У дакументах таксама сабраны звесткі аб колькасці і характары грузаў, дастаўленых народным мсціўцам з Вялікай зямлі, інфармацыя аб рэарганізацыі і перайменаванні партызанскіх фарміраванняў, месцах іх дыслакацыі і інш.

Прэзентацыя выдання прымеркавана да 75-годдзя заканчэння дзейнасці Беларускага штаба партызанскага руху.

Тэлефоны для даведак: (8 017) 267 49 37.
E-mail: pr@nlb.by

Чытайце таксама, як прайшла прэзентацыя выдання пра партызанскі рух

Мерапрыемствы

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Сусветныя экасістэмы: захаванне, ахова, аднаўленне

12.01.2021

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).

Канстытуцыі Рэспублікі Беларусь: правы, абавязкі, адказнасць

11.01.2021

З 11 студзеня па 28 сакавіка ў зале прававой інфармацыі (пам. 207b) адкрыта тэматычная выстава “Канстытуцыі Рэспублікі Беларусь: правы, абавязкі, адказнасць”, прысвечаная Дню Канстытуцыі Рэспублікі Беларусь (15 сакавіка).

Памяці песняра Беларусі

12.01.2021

12 студзеня спаўняецца 80 гадоў з дня нараджэння Уладзіміра Мулявіна – музыканта, кампазітара, заснавальніка ВІА “Песняры”. Да юбілею артыста падрыхтавана выстаўка “Памяці песняра Беларусі”, якая працуе ў зале нотных і аўдыявізуальных дакументаў (пам. 305) да 31 студзеня.

Імкненне быць карысным

06.01.2021

14 студзеня а 17-й гадзіне ў галерэі “Панарама” (22-гі паверх) адбудзецца адкрыццё выстаўкі “Лініі дабра”.



Бібліятэкарам
111