ГалоўнаяМерапрыемствыМастак лірыкі і драмы
У бібліятэцы стартуе Тыдзень кнігі Ірана
Таямніцы парыжскіх падмосткаў

Мастак лірыкі і драмы

Мастак лірыкі і драмы
Іншыя мерапрыемствы
14 лістапада – 3 лютага
Дата правядзення
10.00–21.00
Час правядзення
пам. 305
Месца правядзення

З 14 лістапада па 3 лютага ў зале нотных і аўдыявізуальных дакументаў (пам. 305) праходзіць выстаўка “Мастак лірыкі і драмы”, прысвечаная 100-годдзю з дня нараджэння Мечыслава Вайнберга.

Музычная спадчына аднаго з найбуйнейшых савецкіх кампазітараў Мечыслава (Майсея) Вайнберга вялікае і разнастайнае. Сярод яго твораў – сімфоніі, струнныя квартэты, кантаты, оперы і балеты, санаты для розных інструментаў, рамансы, музыка для тэатра і кіно.

Творчасць Вайнберга адрозніваюць яркая вобразная канкрэтнасць, тонкасць і вытанчанасць, свежасць гарманічнага пісьма. Кожны твор кампазітара – глыбокія і сур’ёзныя разважанні, навеяныя найважнейшымі падзеямі ХХ стагоддзя. Галоўная тэма – вайна, смерць і разбурэнне як сімвалы зла. Разам з тым яго музыка носіць жыццесцвярджальны характар, яна напоўнена верай у чалавека, дабро і справядлівасць, што надае ёй асаблівае лірыка-філасофскае адценне. Асаблівае месца ў творчасці кампазітара займае тэма дзяцінства. Увасобленая ў самых розных жанрах, яна стала сімвалам маральнай чысціні, праўды і дабра, увасабленнем чалавечнасці, характэрнай для ўсёй музыкі Вайнберга. У сваіх творах ён нярэдка звяртаецца да народнай песеннасці, своеасабліва ажыццяўляючы прыёмы малдаўскага, польскага і яўрэйскага фальклору.

Аснову выстаўкі складаюць нотныя выданні твораў Мечыслава Вайнберга, сярод якіх “Малдаўская рапсодыя”, сімфанічная трылогія “Пераступіўшы вайны парог”, сюіта “Польскія напевы”, оперы “Пасажырка”, “Ідыёт”, “Мадонна і салдат”, вакальныя цыклы на вершы А. Фета, І. Пераца, А. Туманяна, Г. Містраль, музыка з кінастужак “Апошні дзюйм”, “Па тонкім лёдзе”, “Утаймавальніца тыграў”, а таксама зборнікі, у якіх можна знайсці творы кампазітара.

Аўдыядакументы, прадстаўленыя ў экспазіцыі, даюць магчымасць праслухаць шостую сімфонію, санаціну для скрыпкі і фартэпіяна, санату № 1 для віяланчэлі і фартэпіяна, санату № 2 для скрыпкі сола і іншыя творы Вайнберга.

Выстаўку дапаўняюць артыкулы пра жыццё і творчасць кампазітара, апублікаваныя ў перыядычных выданнях.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Роўныя правы, роўныя магчымасці

03.12.2019

З 3 па 25 снежня ў зале дакументаў міжнародных арганізацый (пам. 207g) адкрыта тэматычная выстаўка “Прававая і сацыяльная абарона інвалідаў”, прысвечаная Міжнароднаму дню інвалідаў.

Снег – зімовы цуд

04.12.2019

7 снежня дзіцячы пакой запрашае ў займальнае літаратурнае падарожжа “Снег – зімовы цуд” і пакажа незвычайную і вельмі пазнавальную “Большую книгу снега и льда”.

Навагодні серпанцін

03.12.2019

З 3 снежня  па 15 студзеня на кальцавым калідоры 2-га паверха Нацыянальнай бібліятэкі Беларусі арганізавана святочная тэматычная выстаўка “Навагодні серпанцін”.

Жыццё вялікае і шчодрае

29.11.2019

З 29 лістапада па 19 снежня ў зале беларускай літаратуры (пам. 205) праходзіць выстаўка “Жыццё вялікае і шчодрае”, прымеркаваная да 120-годдзя з дня нараджэння народнага пісьменніка Беларусі Міхася Лынькова (1899–1975).

Звіняць калядныя званы і запрашаюць на выставу

28.11.2019

Напярэдадні свят у Нацыянальнай бібліятэцы адкрыецца светлая, маляўнічая і між тым глыбокая па сэнсе выстаўка жывапісу “Калядныя званы”, якая прадставіць работы беларускага мастака Рыгора Іванова.

Без пэндзліка і фарбаў

26.11.2019

27 лістапада дзіцячы пакой запрашае дзяцей на майстар-клас па пластылінавым жывапісе “Без пэндзліка і фарбаў”.

Разарваць кола маўчання: жанчыны і насілле

21.11.2019

З 21 лістапада 2019 г. па 9 студзеня 2020 г. у аддзеле абслугоўвання афіцыйнымі дакументамі Нацыянальнай бібліятэкі Беларусі (пам. 207) адкрыта тэматычная кніжная выстаўка “Разарваць кола маўчання: жанчыны і насілле”, прысвечаная Міжнароднаму дню барацьбы за ліквідацыю насілля адносна жанчын.



111