ГалоўнаяМерапрыемствыЗ верай у дабро і чалавечнасць
Служэнне Фемідзе і грамадству
Творчыя заняткі “Пейзаж за акном”

З верай у дабро і чалавечнасць

З верай у дабро і чалавечнасць
Іншыя мерапрыемствы
25 кастрычніка – 28 лістапада
Дата правядзення
10.00–21.00
Час правядзення
пам. 205
Месца правядзення

З 25 кастрычніка па 28 лістапада ў зале беларускай літаратуры (пам. 205) праходзіць выстаўка “З верай у дабро і чалавечнасць”, прысвечаная 80-годдзю з дня нараджэння Мікалая Іванавіча Мішчанчука (1939–2012).

Мікалай Мішчанчук вядомы ў Беларусі і за яе межамі не толькі як выдатны педагог, метадыст, вучоны, але і як літаратуразнавец, крытык, паэт, перакладчык, аўтар і суаўтар падручнікаў і дапаможнікаў для вышэйшай і сярэдняй школы. Дзейнасць Мікалая Іванавіча шматгранная і шматаспектная. Найбольш каштоўнымі ў жыцці ён лічыў вернасць маральным ідэалам, самаахвярнасць на карысць краіны і людзей. Дзякуючы сваёй плённай выкладчыцкай, навуковай, творчай і грамадскай працы М. Мішчанчук займае асаблівае месца ў галіне развіцця айчыннага літаратуразнаўства, справе служэння беларускаму слоўнаму мастацтву.

Матэрыялы, прадстаўленыя на выстаўцы, раскрываюць жыццёвы і творчы шлях Мікалая Іванавіча, даюць магчымасць пазнаёміцца са шматлікай літаратурнай спадчынай пісьменніка. На экспазіцыйных паліцах – паэтычныя зборнікі разнастайнай тэматыкі: патрыятычнай, экалагічнай, філасофскай, інтымнай (“Вернасць”, “Трывожуся за белы свет”, “Струна надзеі”). Зацікавіць наведвальнікаў манаграфія “Ёсць у паэта свой аблог цалінны”, а таксама літаратуразнаўчыя і метадычныя даследаванні “Беларуская літаратура на сучасным этапе”, “Літаратура, народжаная Кастрычнікам”, “Беларуская савецкая паэзія 20-х гадоў”, “Настаўніку – пра настаўнікаў”, “Як жыць – дык жыць для Беларусі…”, “Літаратура беларускага замежжа”, “Класіка – сучаснасць – перспектывы: пра літаратурны працэс ХХ стагоддзя” і іншыя, прысвечаныя вывучэнню важных і актуальных праблем гісторыі беларускай нацыянальнай літаратуры. Яны звяртаюць на сябе ўвагу насычаным факталагічным зместам, цікавымі і арыгінальнымі назіраннямі і заключэннямі.

Дапаўняюць экспазіцыю творы і літаратурна-крытычныя артыкулы Мікалая Мішчанчука ў зборніках і перыядычных выданнях, кнігі, напісаныя ў суаўтарстве, пераклады.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял прадастаўлены аддзелам абслугоўвання спецыялізаванымі фондамі.

Мерапрыемствы

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Сусветныя экасістэмы: захаванне, ахова, аднаўленне

12.01.2021

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).

Канстытуцыі Рэспублікі Беларусь: правы, абавязкі, адказнасць

11.01.2021

З 11 студзеня па 28 сакавіка ў зале прававой інфармацыі (пам. 207b) адкрыта тэматычная выстава “Канстытуцыі Рэспублікі Беларусь: правы, абавязкі, адказнасць”, прысвечаная Дню Канстытуцыі Рэспублікі Беларусь (15 сакавіка).



Бібліятэкарам
111