ГалоўнаяМерапрыемствы“Гадзіна музыкі” адкрывае новы сезон
Разарваць кола маўчання: жанчыны і насілле
Навагодні тэатралізаваны інтэрактыўны спектакль “Школа навагодніх прамудрасцей Дзеда Мароза”

“Гадзіна музыкі” адкрывае новы сезон

“Гадзіна музыкі” адкрывае новы сезон
Іншыя мерапрыемствы
28 лістапада
Дата правядзення
15.00–16.00
Час правядзення
пам. 305
Месца правядзення

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

“Гадзіна музыкі” – гэта цыкл бясплатных мерапрыемстваў, прызначаных для шырокага круга слухачоў.

Музыказнаўцы Нацыянальнай акадэміі навук пазнаёмяць вас з гісторыяй беларускай музыкі XIX – пачатку XX стагоддзя, адкрыюць малавядомыя факты пра творчасць такіх выбітных кампазітараў, як Станіслаў Манюшка, Фларыян Міладоўскі і Міхал Клеафас Агінскі.

Этнамузыколагі раскажуць пра каляндарна-абрадавых традыцыях беларусаў і падзеляцца ўнікальнымі архіўнымі і экспедыцыйнымі аўдыя- і відэаматэрыяламі.

Сапраўдным святам стануць упадабаныя ўсім лекцыі-канцэрты з удзелам музычнай капэлы “Cantus Alba Rutheniae” пад кіраўніцтвам кандыдата мастацтвазнаўства Галіны Цмыг, якія адкрываюць і закрываюць наш асенне-зімовы цыкл. Усе прысутныя змогуць не толькі атрымаць асалоду ад цудоўнага выступлення артыстаў, але і выканаць некаторыя творы разам з імі.

З намі цікава і пазнавальна!


Праграма цыкла лекцый "Беларуская музыка ў сусветнай мастацкай прасторы"

Уваход свабодны (пры наяўнасці чытацкага білета або пропуску сацыякультурнага цэнтра).

Тэлефон для даведак: (8 017) 293 27 52.

Матэрыял прадастаўлены аддзелам абслугоўвання спецыялізаванымі фондамі.

Чытайце таксама, як прайшла інтэрактыўная лекцыя-канцэрт “Станіслаў Манюшка і Фларыян Міладоўскі. Прысвячэнне 200-гадоваму юбілею”

Чытайце таксама, як прайшла лекцыя на тэму “Музычнае жыццё Беларусі ў XIX – пачатку XX стагоддзя”

Чытайце таксама, як прайшла лекцыя на тэму "Міхал Клеафас Агінскі: невядомыя старонкі творчасці"

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Без пэндзліка і фарбаў

21.11.2019

27 лістапада дзіцячы пакой запрашае дзяцей на майстар-клас па пластылінавым жывапісе “Без пэндзліка і фарбаў”.

Разарваць кола маўчання: жанчыны і насілле

21.11.2019

З 21 лістапада 2019 г. па 9 студзеня 2020 г. у аддзеле абслугоўвання афіцыйнымі дакументамі Нацыянальнай бібліятэкі Беларусі (пам. 207) адкрыта тэматычная кніжная выстаўка “Разарваць кола маўчання: жанчыны і насілле”, прысвечаная Міжнароднаму дню барацьбы за ліквідацыю насілля адносна жанчын.

Партызанскі архіў: бібліятэка прэзентуе мультымедыйныя выданні

18.11.2019

19 лістапада а 16-й гадзіне ў бібліятэцы адбудзецца прэзентацыя першага выпуску серыі мультымедыйных выданняў “Партызанскі архіў” – электроннага дакументальнага выдання “Аператыўныя і разведвальныя зводкі Беларускага штаба партызанскага руху: 1944 год” – сумеснага праекта Нацыянальнага архіва Рэспублікі Беларусь і Нацыянальнай бібліятэкі Беларусі. Выданне прымеркавана да 75-годдзя вызвалення Беларусі ад нямецка-фашысцкіх захопнікаў.

Мастак лірыкі і драмы

14.11.2019

З 14 лістапада па 3 лютага ў зале нотных і аўдыявізуальных дакументаў (пам. 305) праходзіць выстаўка “Мастак лірыкі і драмы”, прысвечаная 100-годдзю з дня нараджэння Мечыслава Вайнберга.

Таямніцы парыжскіх падмосткаў

14.11.2019

З 14 лістапада па 10 снежня ў зале дакументаў па мастацтве (пам. 306) праходзіць кніжна-ілюстрацыйная выстаўка “Таямніцы парыжскіх падмосткаў”, прысвечаная 155-годдзю з дня нараджэння выдатнага французскага жывапісца і графіка Анры дэ Тулуз-Латрэка (1864–1901).

Спектакль у бібліятэцы: малышам паказалі казку пра сапраўднае сяброўства

06.11.2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.



111