ГалоўнаяМерапрыемствыСімвал галантнага веку
Скот Кэрал – госць “Клуба кніжных прафесараў”
Выхад з ценю: невядомы арыгінал Берасцейскай Бібліі

Сімвал галантнага веку

Сімвал галантнага веку
Іншыя мерапрыемствы
10 кастрычніка –15 лістапада
Дата правядзення
10.00–21.00
Час правядзення
пам. 306
Месца правядзення

З 10 кастрычніка па 11 лістапада ў зале дакументаў па мастацтве (пам. 306) праходзіць кніжна-ілюстрацыйная выстаўка “Сімвал галантнага веку”, прысвечаная 335-годдзю з дня нараджэння французскага жывапісца і малявальшчыка Антуана Вато (1684–1721).

Цудоўныя паркі Парыжа, зеляніна садоў, самотныя куткі прыроды, шолах сукенак элегантных дам, тэатральнасць, адчуванне свята, трывожная рамантыка, чароўныя гукі музыкі... Усё гэта свет гармоніі, бесклапотнасці і любові, паэтычнасці і прыгажосці, які ажыў на палотнах Антуана Вато.

Мастак быў яркім прадстаўніком свайго часу, эпохі Асветы ў Францыі, эстэтыкі стылю ракако, які панаваў у еўрапейскім мастацтве ХVIII стагоддзя. Невыпадкова творы майстра з’яўляюцца сапраўдным адлюстраваннем таго часу, увасабленнем тонкай натуры самога Вато, яго шчырасці і эмацыйнасці.

Жывапісец пражыў няпростае і кароткае жыццё. Аднак здолеў стварыць свой непаўторны стыль, так званую “манеру Вато” з яе камерным характарам, змякчэлымі каляровымі кантрастамі, паветранасцю і лёгкасцю, цудоўным пачуццём каларыту, крывалінейнымі абрысамі, майстэрствам “вачэй і знакаў размовы”. Мастак сілай свайго таленту ўвасобіў эстэтыку галантнага веку, стаўшы яго своеасаблівым сімвалам і стварыўшы новы жанр жывапісу, які сучаснікі назвалі “галантнымі імпрэзамі”.

На выставе прадстаўлены рэпрадукцыі лепшых твораў Вато: “Жыль”, “Кампанія ў парку”, “Капрызніца”, “Цяжкаватая прапанова”, “Свята кахання”, “Саваяр з сурком”, “Сатыра на лекараў”. Не пакінуць абыякавымі выяўленчыя матэрыялы, якія ўвасабляюць вобразы міфалагічных герояў, музыкаў, акцёраў і тэатральных персанажаў, якія так любіў мастак.

Экспазіцыя пазнаёміць з разнастайнасцю кніг пра жыццё і творчасць Антуана Вато. Сярод іх “Воображаемые портреты” У. Патэра, дзе сабраны ўрыўкі са старога французскага дзённіка А. Вато, “Грёзы и миражи в садах Версаля” Н.А. Шварцмана, “Ватто и его произведения в Эрмитаже” І. Немілавай, даследаванні пра мастака аўтарытэтных навукоўцаў, у прыватнасці, французскага пісьменніка, гісторыка філасофіі і жывапісу мяжы ХIХ–ХХ стагоддзяў Г. Сэайля, мастацтвазнаўцаў А. Чагадаева і М. Германа.

Цікавасць выкліча выданне “Антуан Ватто: Старинные тексты” аўтара-складальніка Ю. Золатавай, у якім сабраны лісты майстра і запісы яго выказванняў, а таксама ўспаміны пра мастака яго сучаснікаў, вытрымкі з кнігі запісаў Каралеўскай акадэміі жывапісу і скульптуры, афіцыйныя акты і паведамленні, якія тычацца жывапісца.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Партызанскі архіў: бібліятэка прэзентуе мультымедыйныя выданні

18.11.2019

19 лістапада а 16-й гадзіне ў бібліятэцы адбудзецца прэзентацыя першага выпуску серыі мультымедыйных выданняў “Партызанскі архіў” – электроннага дакументальнага выдання “Аператыўныя і разведвальныя зводкі Беларускага штаба партызанскага руху: 1944 год” – сумеснага праекта Нацыянальнага архіва Рэспублікі Беларусь і Нацыянальнай бібліятэкі Беларусі. Выданне прымеркавана да 75-годдзя вызвалення Беларусі ад нямецка-фашысцкіх захопнікаў.

Мастак лірыкі і драмы

14.11.2019

З 14 лістапада па 3 лютага ў зале нотных і аўдыявізуальных дакументаў (пам. 305) праходзіць выстаўка “Мастак лірыкі і драмы”, прысвечаная 100-годдзю з дня нараджэння Мечыслава Вайнберга.

Таямніцы парыжскіх падмосткаў

14.11.2019

З 14 лістапада па 10 снежня ў зале дакументаў па мастацтве (пам. 306) праходзіць кніжна-ілюстрацыйная выстаўка “Таямніцы парыжскіх падмосткаў”, прысвечаная 155-годдзю з дня нараджэння выдатнага французскага жывапісца і графіка Анры дэ Тулуз-Латрэка (1864–1901).

Спектакль у бібліятэцы: малышам паказалі казку пра сапраўднае сяброўства

06.11.2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.

Перамагчы дыябет!

13.11.2019

З 13 лістапада па 18 снежня ў зале дакументаў міжнародных арганізацый (пам. 207g) працуе тэматычная кніжная выстаўка “Перамагчы дыябет!”, прысвечаная Сусветнаму дню барацьбы з дыябетам.

Размова з адвакатам аб зваротах грамадзян

18.11.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.



111