ГалоўнаяМерапрыемствыДа Дня маці: спяшайцеся пабачыць падборку кінастужак “Беларусьфільма”
Будучыня планеты без галечы і дыскрымінацыі
Цудоўны свет любоўю матчынай

Да Дня маці: спяшайцеся пабачыць падборку кінастужак “Беларусьфільма”

Да Дня маці: спяшайцеся пабачыць падборку кінастужак “Беларусьфільма”
Іншыя мерапрыемствы
14–15 кастрычніка
Дата правядзення
10.00–21.00
Час правядзення
атрыум (2-гі паверх)
Месца правядзення

Штогод залатая восень дорыць чарговую магчымасць удзяліць час самаму дарагому чалавеку – той, хто падарыў нам жыццё.

14 і 15 кастрычніка наведвальнікі Нацыянальнай бібліятэкі Беларусі змогуць азнаёміцца з падборкай дакументальных фільмаў нацыянальнай кінастудыі “Беларусьфільм”, прысвечаных Дню маці.

Жадаючыя ўбачаць карціны “Дачка Прыпяці”, “Зямляк”, “Мая мама чараўніца”, “Кася”, “Надзея”, “Адна сям’я”, “Ты мяне не бойся”, “Твой блізкі”.

Усе гэтыя фільмы аб’ядноўвае яркі вобраз маці. Для кагосьці яна лепшы сябар і мудры дарадца, для кагосьці – светлая мара. Мамы бываюць розныя, але менавіта гэтыя жанчыны пранікаюць у самыя патаемныя куткі нашай душы.


Паглядзець фільмы можна ў атрыуме 2-га паверха ў адпаведнасці з графікам работы бібліятэкі.

Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 28 23, 293 28 81.
E-mail: pr@nlb.by

Мерапрыемствы

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Сусветныя экасістэмы: захаванне, ахова, аднаўленне

12.01.2021

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).

Канстытуцыі Рэспублікі Беларусь: правы, абавязкі, адказнасць

11.01.2021

З 11 студзеня па 28 сакавіка ў зале прававой інфармацыі (пам. 207b) адкрыта тэматычная выстава “Канстытуцыі Рэспублікі Беларусь: правы, абавязкі, адказнасць”, прысвечаная Дню Канстытуцыі Рэспублікі Беларусь (15 сакавіка).



Бібліятэкарам
111