Дата правядзення
Час правядзення
Месца правядзення
Справядліва кажуць, што вышывальшчыцы бачаць навакольны свет зусім па-іншаму. Іх погляд на рэчаіснасць своеасаблівы, усё звычайнае ў іх ператвараецца ў чароўнае, трапляючы на тканіну з дапамогай маленькай іголкі і рознакаляровых нітачак.
У выставачным праекце “Сузор’е вобразаў”, прымеркаваным да Дня маці, будуць прадстаўлены пейзажы і партрэты, а таксама творы па карцінах вядомых мастакоў.
Аўтары работ – члены клуба “Сузор’е” пры Беларускім саюзе жанчын. Гэта майстрыхі розных узростаў і прафесій. І ўсіх іх аб’ядноўвае адно – безаглядная любоў да вышыўкі.
Непаўторныя дзіўныя сюжэты ўзнікаюць пад рукамі гэтых жанчын. У большасці работ колькасць адценняў нітак – звыш двухсот! Гэта дае магчымасць не толькі дакладна перадаць каляровую гаму, але і стварае адчуванне, што перад гледачом не вышыўка, а карціна, напісаная алеем.
Наведаць выстаўку можна з 9 кастрычніка.
Плата за ўваход складае кошт наведвання агляднай пляцоўкі.
Выстаўка будзе доўжыцца да 5 лютага 2020 г.
Дата яе заканчэння можа быць зменена.
Тэлефоны для даведак: (8 017) 293 28 33, 293 28 81.
Е-mail: pr@nlb.by
Чытайце таксама, як прайшло адкрыццё выставачнага праекта “Сузор’е вобразаў”.