Які колер у цішыні? Даведайцеся аб гэтым на новай мастацкай выстаўцы

24 верасня ў бібліятэцы адбудзецца адкрыццё выстаўкі “Колер цішыні”, якая распавядае пра ўнутраны свет дзетак з парушэннямі слыху і іх спосаб зносін з акружэннем.

Міжнародны дзень жэставых моў святкуецца 23 верасня. 24 верасня – Міжнародны дзень арт-тэрапіі. “Колер цішыні” адкрыецца з нагоды гэтых дат и прадставіць работы навучэнцаў Ждановіцкай спецыяльнай агульнаадукацыйнай школы-інтэрната.

Дзеці з рознай ступенню страты слыху маюць магчымасць не толькі атрымаць сярэднюю адукацыю, але і ў поўнай меры развіць свае творчыя здольнасці. Выкладчыкі школы аддаюць перавагу творчаму развіццю з улікам індывідуальных магчымасцей дзіцяці і надаюць асаблівае значэнне мастацкаму развіццю навучэнцаў. Аб’яднанні дадатковай адукацыі (цестапластыка, бісерапляценне, фларыстыка) спрыяюць творчаму самавыяўленню, уменню ўвасабляць свае творчыя задумкі.

На выстаўцы “Колер цішыні” экспануюцца работы навучэнцаў студыі “Фарбы”. Малады кіраўнік Анастасія Якавенка дапамагла дзецям выказаць у работах свой настрой, уражанне і эмоцыі. Індывідуальны падыход, увага і цярпенне даюць свае вынікі.

Выстаўка працягне працу да 28 студзеня 2020 г.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
На адкрыццё ўваход вольны, у іншы час – па чытацкім білеце або білеце сацыякультурнага цэнтра.

Тэлефон для даведак: (8 017) 293 28 33, 293 28 81.
E-mail: pr@nlb.by

Чытайце таксама, як прайшло адкрыццё выстаўкі “Колер цішыні".