ГалоўнаяМерапрыемствыНапярэдадні Дня бібліятэк павіншавалі лепшых па прафесіі
80 гадоў уз’яднання БССР – бібліятэка запрашае на новую выстаўку
Будучыня планеты без ядзернай зброі

Напярэдадні Дня бібліятэк павіншавалі лепшых па прафесіі

Напярэдадні Дня бібліятэк павіншавалі лепшых па прафесіі
Іншыя мерапрыемствы
13 верасня
Дата правядзення
08.50–10.00
Час правядзення
канферэнц-зала
Месца правядзення

13 верасня ў канферэнц-зале бібліятэкі прайшлі святочны канцэрт “Дыялог” і ўрачыстая цырымонія ўзнагароджання па выніках конкурсу прафесійнага майстэрства “Лепшы па прафесіі”.

У зале панавала атмасфера цяпла і ўтульнасці – аб гэтым з самай раніцы паклапаціліся энергічныя вядучыя Вольга Бай і Сяргей Лапкоўскі. Лепшым з лепшых у гэты дзень уручылі ганаровыя дыпломы – прафесійныя якасці гэтых супрацоўнікаў павышаюць прэстыж бібліятэчнай справы і ў прыватнасці – Нацыянальнай бібліятэкі.

У намінацыі “Лепшы па прафесіі” дыпломы атрымалі:

  • Сідаровіч Ульяна – галоўны бібліятэкар аддзела міжбібліятэчнага абанемента і дастаўкі дакументаў
  • Гарошка Кацярына – вядучы бібліятэкар аддзела абслугоўвання спецыялізаванымі фондамі
  • Кукета Ірына – галоўны бібліятэкар навукова-даследчага аддзела бібліятэказнаўства
  • Івашчанка Ірына – мастак-рэстаўратар 1 катэгорыі аддзела рэстаўрацыі і кансервацыі бібліятэчных дакументаў
  • Касінскі Сяргей – вядучы інжынер дыспетчарскага аддзела
  • Барсукова Наталля – галоўны бібліёграф навукова-даследчага аддзела бібліяграфіі

У намінацыі “За лідарства і паспяховае кіраўніцтва” пераможцамі сталі:

  • Башкірава Наталля – загадчык аддзела культурна-відовішчнай дзейнасці
  • Грабун Віталь – загадчык сектара лічбавага друку выдавецкага аддзела
  • Дамоўская Марыя – загадчык сектара маніторынгу, набыцця і распаўсюджвання электронных інфармацыйных рэсурсаў аддзела карпаратыўнага ўзаемадзеяння
  • Жукоўская Мар’яна – загадчык сектара ўнутрырэспубліканскага дакументаабмену і пераразмеркавання аддзела камплектавання фондаў
  • Мельнічук Наталля – загадчык сектара міжбібліятэчнага абанемента аддзела міжбібліятэчнага абанемента і дастаўкі дакументаў
  • Саўко Вікторыя – загадчык сектара аналізу фінансава-гаспадарчай дзейнасці планава-эканамічнага аддзела

“За ўклад у развіццё бібліятэчнай справы” ўзнагароду атрымала Галіна Кірэева – галоўны бібліёграф навукова-даследчага аддзела кнігазнаўства.

У намінацыі “За вернасць і адданасць прафесіі” перамагла Наталля Алейнікава – галоўны бібліятэкар аддзела захоўвання спецыялізаваных фондаў.

Не забылі адзначыць і новае папаўненне супрацоўнікаў – сертыфікатамі маладога спецыяліста ўганаравалі: Аляўціну Ашурка, Лізавету Барысаву, Ірыну Жолабаву, Юлію Крыкун, Арцёма Маслянкова, Наталлю Мароз, Марыю Шэйман.

Упрыгожылі мерапрыемства яркія выступленні таленавітых артыстаў. Публіку парадавалі дуэт Sheridan's, балетнае трыа Queens, салістка Нацыянальнага цэнтра музычнага мастацтва імя Уладзіміра Мулявіна Марыя Жыліна, а таксама вядучы мерапрыемства, саліст групы “Цвет Алоэ” Сяргей Лапкоўскі.

Дарагія калегі! Віншуем вас са святам! Жадаем творчых поспехаў, энергіі і новых ідэй!

Матэрыял прадастаўлены аддзелам сувязей з грамадскасцю.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

ААН для міру і развіцця

17.10.2019

З 17 кастрычніка па 19 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і развіцця”, прысвечаная Дню Арганізацыі Аб’яднаных Нацый.

Размова з адвакатам аб правах і абавязках кіроўцы і пешахода

16.10.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Будучыня планеты без галечы і дыскрымінацыі

15.10.2019

З 15 кастрычніка па 11 лістапада ў зале дакументаў міжнародных арганізацый (пам. 207g) адкрыта тэматычная выстаўка “Будучыня планеты без галечы і дыскрымінацыі”, прысвечаная Міжнароднаму дню барацьбы за ліквідацыю галечы.

“І радасць, і турботы, і святло…”

15.10.2019

З 15 кастрычніка па 27 снежня ў зале беларускай літаратуры (пам. 205) праходзіць кніжная выстаўка “І радасць, і турботы, і святло…”, прысвечаная 110-годдзю з дня нараджэння беларускага пісьменніка Максіма Лужаніна (1909–2001).

Пяшчотная, мілая, добрая

12.10.2019

З 12 па 30 кастрычніка ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).

Выдатны свет любоўю матчынай

14.10.2019

14 кастрычніка ў Нацыянальнай бібліятэцы Беларусі прайшоў канцэрт “Цудоўны свет любоўю матчынай”, прысвечаны Дню маці і святу Пакрова Прасвятой Багародзіцы.

Сімвал галантнага веку

10.10.2019

З 10 кастрычніка па 11 лістапада ў зале дакументаў па мастацтве (пам. 306) праходзіць кніжна-ілюстрацыйная выстаўка “Сімвал галантнага веку”, прысвечаная 335-годдзю з дня нараджэння французскага жывапісца і малявальшчыка Антуана Вато (1684–1721).



111