Дата правядзення
Час правядзення
Месца правядзення
З 2 верасня па 30 кастрычніка ў зале перыядычных выданняў (пам. 106) праходзіць тэматычная выстаўка “Бібліятэка ХХІ стагоддзя”, прымеркаваная да Дня бібліятэк.
Складаныя працэсы сучаснай рэчаіснасці актуалізавалі праблему сучаснасці і будучыні бібліятэк, вызначэння перспектыў іх далейшага развіцця. На мяжы тысячагоддзяў назіраўся сапраўдны бум, звязаны з абмеркаваннем тэмы “Якой павінна быць бібліятэка ў XXI стагоддзі?”. Пытанне застаецца адкрытым і сёння. Тлумачыцца гэта тым, што агульнапрынятыя нормы і цэннасці дзейнасці бібліятэк супярэчаць новым сацыякультурным тэндэнцыям апошніх гадоў.
Прадстаўленыя на выстаўцы публікацыі часопісаў “Вестник Библиотечной ассамблеи Евразии”, “Библиография”, “Библиотека”, “Научные и технические библиотеки”, “Веснік адукацыі” раскажуць, як сучасная бібліятэчная супольнасць спраўляецца з выклікамі часу, якія інавацыйныя формы работы выкарыстоўваюць бібліятэкі, як уплываюць на бібліятэчную прастору лічбавыя тэхналогіі.
Цікавым для наведвальнікаў будзе вопыт работы бібліятэк за мяжой: іх інавацыйныя практыкі, абмен рэсурсамі і каштоўнымі эмпірычнымі ведамі. Пра гэта раскажуць артыкулы з часопісаў “Библиотековедение”, “Современная библиотека”, “Школьная библиотека”.
У перыядычных выданнях “Бібліятэчны свет”, “Бібліятэка прапануе”, “Независимый библиотечный адвокат” адлюстраваны вопыт бібліятэк у формах работы, што сталі ўжо традыцыйнымі на фоне інфармацыйных тэхналогій, якія імкліва развіваюцца.
Усяго ў экспазіцыі прадстаўлена каля 40 перыядычных выданняў.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 25 87.
Матэрыял прадастаўлены аддзелам абслугоўвання спецыялізаванымі фондамі.