ГалоўнаяМерапрыемствыГарадскія кантрасты: напрыканцы лета адкрыецца выстаўка пра Мінск і яго краявіды
Гэты феномен – “Песняры”
Майстар-клас па ніткаграфіі “Пушыстыя карціны”

Гарадскія кантрасты: напрыканцы лета адкрыецца выстаўка пра Мінск і яго краявіды

Гарадскія кантрасты: напрыканцы лета адкрыецца выстаўка пра Мінск і яго краявіды
Іншыя мерапрыемствы
22 жніўня – 1 кастрыніка
Дата правядзення
12.00–23.00
Час правядзення
галерэя "Панарама"
Месца правядзення

З 22 жніўня ў Нацыянальнай бібліятэцы Беларусі пачне экспанавацца выстаўка “Гарадскія кантрасты”.

Калі вы спытаеце ў жыхара Мінска, як ён уяўляе сабе сучасны горад, не сумнявайцеся, што ён адкажа: “высокія светлыя дамы, прамавугольная архітэктура, новыя раёны, якія пастаянна будуюцца”. Пазней ён узгадае пра паркі, рэкі, фантаны, плошчы. Калі вы спытаеце гараджаніна аб прыродзе, ён, вядома ж, стане апісваць вясну ў вёсцы, восень у лесе, лета ля мора. І толькі мастакі заўважаць у гарадскіх матывах тое, што мы, спяшаючыся, прапускаем.

На экспазіцыі будуць прадстаўлены творы трох розных аўтараў. Яны падгледзелі маленькія таямніцы вялікага горада і дзеляцца імі з гледачамі. “Гарадскія кантрасты” – выстаўка фотафантазій і фотаразважанняў, раздзяліць якія мы і запрашаем наведвальнікаў.

Фотаработы мастака Ірыны Кузняцовай “Урбанізацыя” складаюцца з трох цыклаў жыцця будаўнічых кранаў і настройваюць на філасофскія разважанні.

Відэамастак і рэжысёр Аляксей Кузняцоў падрыхтаваў работы з цыкла “Каляровы лёд” і серыю фатаграфій “Метраполія” пра ідэальны па архітэктуры горад, які пабудавалі пчолы.

Тонкія, паэтычныя фотазамалёўкі Алены Данбровай “Дарога да неба”, “Час”, “Таемнае жыццё зорак” і іншыя здзіўляюць гледачоў паўценямі і паўфразамі. Яны падобныя на загадкі, адгадаць якія могуць толькі гледачы, надзеленыя фантазіяй і пачуццём унутранай гармоніі.


Наведаць выстаўку можна да 1 кастрычніка 2019 г. у галерэі “Панарама” (22-гі паверх).

Дата яе заканчэння можа быць зменена.
Уваход складае кошт наведвання агляднай пляцоўкі.

Тэлефоны для даведак: (8 017) 266 37 37, 293 28 81.
Е-mail: pr@nlb.by

Матэрыял прадастаўлены аддзелам сувязей з грамадскасцю.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Служэнне мастацтву

15.01.2020

З 15 студзеня па 26 лютага ў зале нотных і аўдыявізуальных дакументаў (пам. 305) праходзіць выстаўка “Служэнне мастацтву”, прысвечаная 200-годдзю з дня нараджэння Аляксандра Мікалаевіча Сярова (1820–1871).

Плывец па рацэ гісторыі

15.01.2020

З 15 студзеня па 13 лютага ў зале беларускай літаратуры (пам. 205) праходзіць выстаўка “Плывец па рацэ гісторыі”, прысвечаная 80-годдзю з дня нараджэння беларускага пісьменніка, паэта і перакладчыка Леаніда Мартынавіча Дайнекі (1940–2019).

У бібліятэцы адсвяткавалі Каляды

14.01.2020

14 студзеня для супрацоўнікаў Нацыянальнай бібліятэкі Беларусі выступіў народны ансамбль “Шчодрыца”. Гледачоў парадавалі калядныя песні, танцы і жартоўныя святочныя рытуалы.

“Маладнякоўскімі крокамі” ў музеі кнігі

16.01.2020

16 студзеня ў межах рэспубліканскага праекта “На хвалі часу, у плыні жыцця” і Дня літаб’яднання “Маладняк” музей кнігі запрашае а 16-й гадзіне на адкрыццё выставы “Маладнякоўскімі крокамі”.

ЮНКТАД – 55 гадоў развіцця і супрацоўніцтва

26.12.2019

З 26 снежня па 19 студзеня ў зале дакументаў міжнародных арганізацый (пам. 207g) адкрыта тэматычная выстаўка “ЮНКТАД – 55 гадоў развіцця і супрацоўніцтва”, прысвечаная 55-годдзю Канферэнцыі ААН па гандлі і развіцці (ЮНКТАД).



111