ГалоўнаяМерапрыемствыНовы віртуальны праект: усё пра жыццё і творчасць Станіслава Манюшкі
Пісьменнік і чалавек шчодрага сэрца
Дзіцячы пакой запрашае на творчыя заняткі

Новы віртуальны праект: усё пра жыццё і творчасць Станіслава Манюшкі

Новы віртуальны праект: усё пра жыццё і творчасць Станіслава Манюшкі
Іншыя мерапрыемствы
24 красавіка
Дата правядзення
16.00–17.00
Час правядзення
галерэя “Лабірынт” (3-ці паверх)
Месца правядзення

24 красавіка ў бібліятэцы пройдзе творчы вечар “Музыкай святой тут поўніцца душа”, прымеркаваны да 200-годдзя з дня нараджэння Станіслава Манюшкі.

Падчас мерапрыемства адбудзецца прэзентацыя новага віртуальнага праекта Нацыянальнай бібліятэкі Беларусі “Станіслаў Манюшка. Музычны рамантык з Міншчыны”.

Праект рэалізуецца ў межах рэспубліканскага плана мерапрыемстваў па святкаванні 200-годдзя з дня нараджэння нашага славутага земляка. Юбілей Станіслава Манюшкі ўключаны ў Спіс памятных дат ЮНЕСКА на 2019 год.

Упершыню ў межах аднаго інфармацыйнага рэсурсу можна будзе глыбей пазнаёміцца з асобай С. Манюшкі, яго творчай спадчынай, даведацца больш пра пастаноўкі яго твораў на беларускай сцэне. Частка праекта прысвечана ўшанаванню памяці кампазітара ў Беларусі.

Карыстальнікі змогуць азнаёміцца з алічбаванымі выданнямі нотных дакументаў другой паловы XIX – пачатку XX стагоддзя з фондаў Нацыянальнай бібліятэкі, аўдыязапісамі фрагментаў з твораў С. Манюшкі ў выкананні сучасных музыкантаў.


Мерапрыемства пачнецца а 16-й гадзіне ў галерэі “Лабірынт” (3-ці паверх).
Уваход вольны.

Тэлефон для даведак: (8 017) 293 28 81.
E-mail: pr@nlb.by

Матэрыял прадастаўлены аддзелам сувязей з грамадскасцю.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Будучыня за моладдзю!

07.08.2020

З 7 жніўня па 14 верасня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Будучыня за моладдзю!”, прысвечаная Міжнароднаму дню моладзі.

Самы час ствараць гербарый!

05.08.2020

Запрашаем да цікавага творчага даследавання. Застаўся адзін месяц лета, і вакол нас вялікая колькасць разнастайных раслін. Прапануем збіраць кветкі і травы, ствараць уласны гербарый і параўноўваць з выявамі ў старадруках. Ці так выглядалі расліны 500 гадоў таму? Размяшчайце цяперашнія кветкі побач з гравюрай з мінулага і параўноўвайце!

Пра сучасную Беларусь распавядае новая выстава бібліятэкі

05.08.2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106, 1-ы паверх).

Многа-многа зрабіць

04.08.2020

У зале беларускай літаратуры (пам. 205) з 4 жніўня па 1 кастрычніка праходзіць выстаўка “Многа-многа зрабіць”, прымеркаваная да 70-годдзя Анатоля Леанідавіча Вераб'я – беларускага крытыка і літаратуразнаўца, кандыдата філалагічных навук, педагога, рэдактара, члена Саюза пісьменнікаў Беларусі, лаўрэата Літаратурнай прэміі імя У. Калесніка.

Брытанская канстытуцыя як прававы феномен

03.08.2020

З 3 жніўня па 11 кастрычніка ў зале прававой інфармацыі (пам. 207b) адкрыта тэматычная выстаўка “Брытанская канстытуцыя як прававы феномен”, прысвечаная 805-годдзю падпісання Вялікай хартыі вольнасцей.

Наперадзе часу

24.07.2020

100-годдзю з дня нараджэння пісьменнікаў-фантастаў Айзека Азімава і Рэя Брэдберы прысвечана выстаўка “Наперадзе часу”, якая размешчана ў кальцавым калідоры 3-га паверха бібліятэкі.



111