ГалоўнаяМерапрыемствыМерапрыемствы да Міжнароднага дня інтэлектуальнай уласнасці
Размова з адвакатам аб садаводчых таварыствах і дачных участках
Літаратурная гадзіна: як абраць дзецям цікавы часопіс

Мерапрыемствы да Міжнароднага дня інтэлектуальнай уласнасці

Мерапрыемствы да Міжнароднага дня інтэлектуальнай уласнасці
Іншыя мерапрыемствы
17 красавіка
Дата правядзення
10.00–17.00
Час правядзення
Нацыянальная бібліятэка Беларусі
Месца правядзення

17 красавіка ў бібліятэцы пройдуць мерапрыемствы, прысвечаныя Сусветнаму дню кнігі і аўтарскага права, а таксама Міжнароднаму дню інтэлектуальнай уласнасці.

З 10.00 да 12.30 у зале адукацыйных тэхналогій (3-ці паверх, пам. 346) адбудзецца адукацыйны семінар “Інтэлектуальная ўласнасць у Рэспубліцы Беларусь. Камп’ютарныя праграмы і базы даных”, на якім выступяць спецыялісты Нацыянальнага цэнтра інтэлектуальнай уласнасці, Нацыянальнага цэнтра заканадаўства і прававых даследаванняў Рэспублікі Беларусь, Нацыянальнай бібліятэкі Беларусі, адвакаты, патэнтаведы.

У 15.00 у галерэі “Лабірынт” (3-ці паверх) пройдзе культурна-асветніцкая акцыя “Майстры беларускай культуры. Уладзімір Алоўнікаў”. У ходзе мерапрыемства адбудзецца перадача правоў на выкарыстанне лічбавых копій рукапісаў нот аўтара ў інфармацыйных рэсурсах Нацыянальнай бібліятэкі Беларусі.

Уладзімір Алоўнікаў – вядомы беларускі кампазітар, народны артыст БССР, аўтар шматлікіх музычных твораў, стваральнік песень “Радзіма мая дарагая”, “Лясная песня”, “Песня пра Мінск”. Яго багатая творчая спадчына вядома не толькі ў Беларусі, але і далёка за яе межамі.

У мерапрыемстве возьме ўдзел сын кампазітара – Ігар Алоўнікаў, народны артыст Беларусі, лаўрэат Дзяржаўнай прэміі Рэспублікі Беларусь, прафесар. Удзельнікі акцыі атрымаюць магчымасць бліжэй пазнаёміцца з жыццём і творчасцю Уладзіміра Алоўнікава, пачуць урыўкі музычных твораў у выкананні Ігара Уладзіміравіча Алоўнікава і навучэнцаў дзіцячай музычнай школы мастацтваў № 11 імя У.У. Алоўнікава г. Мінска.

У рамках мерапрыемства будзе дзейнічаць кніжная выстава-прагляд дакументаў з фондаў Нацыянальнай бібліятэкі Беларусі і аўтарскіх рукапісаў нот з фондаў Беларускай дзяржаўнай акадэміі музыкі.

Матэрыял прадастаўлены аддзелам фарміравання электроннай бібліятэкі.

Мерапрыемствы

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.

Тандэм натхнення

15.01.2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Сусветныя экасістэмы: захаванне, ахова, аднаўленне

12.01.2021

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).

Канстытуцыі Рэспублікі Беларусь: правы, абавязкі, адказнасць

11.01.2021

З 11 студзеня па 28 сакавіка ў зале прававой інфармацыі (пам. 207b) адкрыта тэматычная выстава “Канстытуцыі Рэспублікі Беларусь: правы, абавязкі, адказнасць”, прысвечаная Дню Канстытуцыі Рэспублікі Беларусь (15 сакавіка).



Бібліятэкарам
111