ГалоўнаяМерапрыемствыЗахавальнікі рарытэтаў
Куды бегчы? Да Мінска набліжаецца Бібліяноч!
100 гадоў Міжнароднай арганізацыі працы: забеспячэнне сацыяльнай справядлівасці і дастойнай працы

Захавальнікі рарытэтаў

Захавальнікі рарытэтаў
Іншыя мерапрыемствы
4 красавіка – 31 снежня
Дата правядзення
10.00–21.00
Час правядзення
пам. 347
Месца правядзення

У першы дзень XV Міжнародных кнігазнаўчых чытанняў, ладзіцца ўрачыстае адкрыццё выставы “Захавальнікі рарытэтаў”, якая падрыхтавана ў музеі кнігі да 40-годдзя навукова-даследчага аддзела кнігазнаўства Нацыянальнай бібліятэкі Беларусі.

Найбольш каштоўная частка кнігазбору галоўнай бібліятэкі краіны, унікальныя помнікі кніжнай культуры ўжо 40 гадоў трапятліва і самааддана зберагаюцца ў навукова-даследчым аддзеле кнігазнаўства. Калекцыі рукапісаў, старадрукаў і рэдкай кнігі пачалі фарміравацца адначасова з заснаваннем бібліятэкі ў 1922 г. Афіцыйна аддзел быў створаны ў 1979 г. як аддзел рукапісаў, старадрукаў і рэдкай кнігі. Нягледзячы на складаныя падзеі ў гісторыі дзяржавы, прафесіяналы-кнігазнаўцы ва ўсе часы збіралі, захоўвалі, даследавалі і папулярызавалі кніжную спадчыну беларускага народа.

Сёння навукова-даследчы аддзел кнігазнаўства Нацыянальнай бібліятэкі Беларусі з’яўляецца каардынацыйным цэнтрам кнігазнаўства ў рэспубліцы: ажыццяўляе навуковую, метадычную, бібліяграфічную работу. Значнымі кірункамі работы сталі праектная і музейная дзейнасць. Калектывам рэалізаваны шэраг маштабных адукацыйна-асветніцкіх, выставачных і навукова-выдавецкіх праектаў.

На выставе “Захавальнікі рарытэтаў”, прысвечанай знакавым падзеям гісторыі стварэння і дзейнасці важнага аддзела бібліятэкі, экспануюцца архіўныя дакументы, рэдкія фотаздымкі, кніжныя рарытэты, мемарыяльныя рэчы. Гэта даніна павагі рупліўцам, якія, зберагаючы лепшыя традыцыі мінулага, захоўваюць і памнажаюць кніжную спадчыну нацыі.

Урачыстае адкрыццё экспазіцыі адбудзецца 4 красавіка ў 16.30 у галерэі “Лабірынт” (3-ці паверх). Выстава будзе працаваць у музеі кнігі (пам. 347) да 31 снежня 2019 г. 
Дата яе завяршэння можа быць зменена.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Тэлефон для даведак і заказу экскурсій: (8 017) 293 27 22.

Матэрыял прадастаўлены навукова-даследчым аддзелам кнігазнаўства.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Роўныя правы, роўныя магчымасці

03.12.2019

З 3 па 25 снежня ў зале дакументаў міжнародных арганізацый (пам. 207g) адкрыта тэматычная выстаўка “Прававая і сацыяльная абарона інвалідаў”, прысвечаная Міжнароднаму дню інвалідаў.

Снег – зімовы цуд

04.12.2019

7 снежня дзіцячы пакой запрашае ў займальнае літаратурнае падарожжа “Снег – зімовы цуд” і пакажа незвычайную і вельмі пазнавальную “Большую книгу снега и льда”.

Навагодні серпанцін

03.12.2019

З 3 снежня  па 15 студзеня на кальцавым калідоры 2-га паверха Нацыянальнай бібліятэкі Беларусі арганізавана святочная тэматычная выстаўка “Навагодні серпанцін”.

Жыццё вялікае і шчодрае

29.11.2019

З 29 лістапада па 19 снежня ў зале беларускай літаратуры (пам. 205) праходзіць выстаўка “Жыццё вялікае і шчодрае”, прымеркаваная да 120-годдзя з дня нараджэння народнага пісьменніка Беларусі Міхася Лынькова (1899–1975).

Звіняць калядныя званы і запрашаюць на выставу

28.11.2019

Напярэдадні свят у Нацыянальнай бібліятэцы адкрыецца светлая, маляўнічая і між тым глыбокая па сэнсе выстаўка жывапісу “Калядныя званы”, якая прадставіць работы беларускага мастака Рыгора Іванова.

Без пэндзліка і фарбаў

26.11.2019

27 лістапада дзіцячы пакой запрашае дзяцей на майстар-клас па пластылінавым жывапісе “Без пэндзліка і фарбаў”.

Разарваць кола маўчання: жанчыны і насілле

21.11.2019

З 21 лістапада 2019 г. па 9 студзеня 2020 г. у аддзеле абслугоўвання афіцыйнымі дакументамі Нацыянальнай бібліятэкі Беларусі (пам. 207) адкрыта тэматычная кніжная выстаўка “Разарваць кола маўчання: жанчыны і насілле”, прысвечаная Міжнароднаму дню барацьбы за ліквідацыю насілля адносна жанчын.



111