ГалоўнаяМерапрыемствыМагія акварэлі на выстаўцы “Акваканцэпт”
Са святам, мілыя дамы!
Майстар-клас для дзяцей па дэкаратыўным модульным маляванні

Магія акварэлі на выстаўцы “Акваканцэпт”

Магія акварэлі на выстаўцы “Акваканцэпт”
Іншыя мерапрыемствы
14 сакавіка – 24 красавіка
Дата правядзення
10.00–21.00
Час правядзення
галерэя “Ракурс” (2-гі паверх)
Месца правядзення

14 сакавіка ў бібліятэцы ладзіцца адкрыццё выстаўкі акварэлі “Акваканцэпт”.

Арганізатарамі выступілі Нацыянальная бібліятэка Беларусі і арт-студыя “Аквавір” – група мастакоў-акварэлістаў, школа-клуб мастака Уладзіміра Іванавіча Рынкевіча, якая больш за 10 гадоў збірае ўсіх, хто любіць назіраць творчы працэс і ўдзельнічаць у стварэнні акварэльнага ладу.

Экспазіцыя аб’ядноўвае акварэльныя творы розных тэматычных і стылістычна-вобразных напрамкаў. Мастакі пераасэнсоўвалі гармонію бачнага свету і матэрыялізавалі аўтарскую вобразную ідэю спецыфічнымі сродкамі акварэлі. Погляд на свет, дзе матэрыяльныя і духоўныя аспекты быцця ўспрымаюцца як цэласная філасофская субстанцыя, абуджае асацыятыўнае мысленне гледача, дае волю фантазіі, патрабуе ад творцы выкарыстання арыгінальнай іншасказальнай мовы адлюстравання.

Мастацка-вобразная ідэя выставачнай экспазіцыі аб’ядноўвае незвязаныя, на першы погляд выпадковыя эпізоды жыцця, дзіўныя прыродныя з’явы і трывіяльныя аб’екты рэчаіснасці, якія не маюць прамой, бачнай узаемазалежнасці, але непарыўна аб’яднаны сваёй непасрэднай далучанасцю да сферы інтэлекту і пачуццяў, духоўнага поля сацыяльнага жыцця.


Вернісаж пачнецца а 17-й гадзіне ў галерэі “Ракурс” (2-гі паверх).

Азнаёміцца з экпазіцыяй можна да 24 красавіка 2019 г.
Дата заканчэння работы выстаўкі можа быць зменена.

Час работы выстаўкі адпавядае рэжыму работы бібліятэкі.
Уваход па чытацкім білеце або білеце сацыякультурнага цэнтра.

Тэлефон для даведак: (8 017) 293 81 80.
Е-mail: pr@nlb.by

Матэрыял прадастаўлены аддзелам сувязей з грамадскасцю.


Чытайце таксама, як прайшло адкрыццё выстаўкі "Акваканцэпт"

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Служэнне мастацтву

15.01.2020

З 15 студзеня па 26 лютага ў зале нотных і аўдыявізуальных дакументаў (пам. 305) праходзіць выстаўка “Служэнне мастацтву”, прысвечаная 200-годдзю з дня нараджэння Аляксандра Мікалаевіча Сярова (1820–1871).

Плывец па рацэ гісторыі

15.01.2020

З 15 студзеня па 13 лютага ў зале беларускай літаратуры (пам. 205) праходзіць выстаўка “Плывец па рацэ гісторыі”, прысвечаная 80-годдзю з дня нараджэння беларускага пісьменніка, паэта і перакладчыка Леаніда Мартынавіча Дайнекі (1940–2019).

У бібліятэцы адсвяткавалі Каляды

14.01.2020

14 студзеня для супрацоўнікаў Нацыянальнай бібліятэкі Беларусі выступіў народны ансамбль “Шчодрыца”. Гледачоў парадавалі калядныя песні, танцы і жартоўныя святочныя рытуалы.

“Маладнякоўскімі крокамі” ў музеі кнігі

16.01.2020

16 студзеня ў межах рэспубліканскага праекта “На хвалі часу, у плыні жыцця” і Дня літаб’яднання “Маладняк” музей кнігі запрашае а 16-й гадзіне на адкрыццё выставы “Маладнякоўскімі крокамі”.

ЮНКТАД – 55 гадоў развіцця і супрацоўніцтва

26.12.2019

З 26 снежня па 19 студзеня ў зале дакументаў міжнародных арганізацый (пам. 207g) адкрыта тэматычная выстаўка “ЮНКТАД – 55 гадоў развіцця і супрацоўніцтва”, прысвечаная 55-годдзю Канферэнцыі ААН па гандлі і развіцці (ЮНКТАД).



111