ГалоўнаяМерапрыемствыГанна Герт: акварэльны фотажывапіс у новай выстаўцы “Дрыяды”
Родная мова – душа народа
Даследчык і пісьменнік

Ганна Герт: акварэльны фотажывапіс у новай выстаўцы “Дрыяды”

Ганна Герт: акварэльны фотажывапіс у новай выстаўцы “Дрыяды”
Іншыя мерапрыемствы
19 лютага – 24 сакавіка
Дата правядзення
10.00–21.00
Час правядзення
галерэя “Атрыум” (3-ці паверх)
Месца правядзення

На выстаўцы прадстаўлены 12 жаночых вобразаў, адпаведна месяцам каляндарнага года. Цэнтрам творчай увагі сталі німфы дрэў, прыгожыя заступніцы лясоў, міфічныя істоты, якія могуць прадказаць будучыню і нават дапамагчы ў бядзе. Дрыяды спрабуюць размаўляць, але не валодаюць чалавечай мовай. Яны валодаюць вамі, пакуль вы знаходзіцеся ў захапленні.

Беларускія німфы своеасабліва спалучаюць авангардныя касцюмы, выкананыя ў тэхніках шыбары, батык і фелтынг-крэйзі, складаныя прычоскі і макіяж, арыгінальныя аўтарскія ўпрыгожванні ў выглядзе карон, дыядэм, масак з камянёў і металу.

Аўтар ідэі – фотамастак Ганна Герт. Сярод асноўных дэталей, па якіх можна распазнаць “почырк” майстра, фотаздымкі, зробленыя скрозь велізарнае размаляванае акварэльнымі фарбамі шкло, іх мінімальная апрацоўка, натуральныя матэрыялы, вада, друк на палатне. Усё разам – прыклад унікальнага аўтарскага фотажывапісу.

Разам з Ганнай над праектам працавала цэлая каманда: мастак-мадэльер Ала Свірыдзенка, дызайнер авангардных упрыгожванняў Дар'я Палуян, стыліст праекта Надзея Сліжэўская, аўтар мастацкіх тэкстаў Надзея Падрэз.

Праект яднае жаноцкую прыгажосць і раслінны свет. Пяшчотныя кветкі і магутныя дрэвы – гэта прыродная архітэктура з моцнай энергетыкай. Аўтарам хацелася вылучыць і злавіць яе ў моманце праяўлення.

Што ў іх атрымалася, можна ўбачыць ў галерэі “Атрыум” (3-ці паверх) з 19 лютага да 24 сакавіка 2019 г.

Дата заканчэння выстаўкі можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 266 37 37, 293 28 33, 293 28 81.
Е-mail: pr@nlb.by

Матэрыял прадастаўлены аддзелам сувязей з грамадскасцю.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.

Размова з адвакатам аб куплі-продажы нерухомасці

15.10.2020

23 кастрычніка запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Пяшчотная, мілая, добрая

13.10.2020

З 13 кастрычніка па 30 лістапада ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).

Прывілеі і вольнасці гарадоў Вялікага Княства Літоўскага

12.10.2020

З 12 кастрычніка 2020 г. па 4 студзеня 2021 г. у зале прававой інфармацыі (пам. 207b) адкрыта тэматычная выстава “Прывілеі і вольнасці гарадоў Вялікага Княства Літоўскага”, прысвечаная 390-годдзю Магдэбургскага права на Беларусі.



111