ГалоўнаяМерапрыемствыКалядная зорка
Музыка на крылах птушак
Годнасць і роўнасць – усім: Усеагульнай дэкларацыі праў чалавека 70 гадоў

Калядная зорка

Калядная зорка
Іншыя мерапрыемствы
4 снежня – 31 студзеня
Дата правядзення
10.00–21.00
Час правядзення
кальцавы калідор 2-га паверха
Месца правядзення

З 4 снежня па 31 студзеня на кальцавым калідоры 2-га паверха праходзіць святочная тэматычная выстаўка “Калядная зорка”, прысвечаная Новаму году і Калядам.

Новы год і Каляды – асаблівыя святы, прасякнутыя верай у чараўніцтва, напоўненыя дзівосамі, радасцю, зімовымі забавамі, падарункамі, дамашняй утульнасцю, цеплынёй сямейных і сяброўскіх стасункаў. З пачатку снежня наш горад падрыхтаваны да ўрачыстасці: вуліцы ўпрыгожаны рознакаляровымі агнямі, на плошчах выраслі велічныя ёлкі, у вітрынах крам мігцяць навагоднія гірлянды. Ствараецца ўражанне, што ты трапіў у казку.

Кніжная выстаўка “Калядная зорка” расказвае пра гісторыю народных свят, навагоднія і калядныя традыцыі, прыкметы і павер’і, звязаныя з імі. У шматлікіх краінах гэтыя святы лічацца чарадзейнымі і магічнымі.

Цэнтральную частку экспазіцыі займаюць сучасныя выданні, якія распавядаюць пра святкаванне Новага года і Нараджэння Хрыстова ў Беларусі, Расіі, Канадзе, Германіі, Францыі і іншых краінах.

Чарадзейную атмасферу стварае святочнае афармленне экспазіцыі, калядныя сувеніры, навагоднія паштоўкі і цацкі. Завітаўшы на нашу выстаўку, можна даведацца, як упрыгожыць кватэру, арыгінальна аформіць падарункі родным і блізкім, змайстраваць маскі, сувеніры і ёлачныя ўпрыгожанні. Парады прафесійных дэкаратараў і сцэнарыстаў дапамогуць стыльна сервіраваць стол і арганізаваць незабыўнае, поўнае весялосці, сюрпрызаў і конкурсаў свята.

На выстаўцы прадстаўлена таксама і мастацкая літаратура навагодняй тэматыкі для дзяцей.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 29 80.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Сустрэча з адвакатам аб правах і гарантыях маладога спецыяліста

10.09.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Неспакойнае сэрца

06.09.2019

З 6 верасня па 24 кастрычніка запрашаем наведаць ў зале беларускай літаратуры (пам. 205) кніжную выстаўку “Неспакойнае сэрца”, прысвечаную 100-годдзю з дня нараджэння беларускага пісьменніка, сцэнарыста, заслужанага работніка культуры Беларусі, лаўрэата Літаратурнай прэміі імя І. Мележа Алеся Асіпенкі (1919–1994).

Мінулае і сучаснасць Мінска прадставіць фотавыстаўка “Мінск. Горад і час”

09.09.2019

Мінск – сталіца з даўняй цікавай гісторыяй, але калі ў горадзе пачынаюць жыць твае ўспаміны, ён становіцца асабліва родным і блізкім. Выстаўка “Мінск. Горад і час”, прымеркаваная да Дня горада, прадставіць здымкі фатографа Вадзіма Качана, для якога Мінск – яго жыццё.

Мір і бяспека для ўсіх народаў

02.09.2019

З 2 верасня па 15 кастрычніка ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір і бяспека для ўсіх народаў”, прысвечаная Міжнароднаму дню міру.

Бібліятэка ХХІ стагоддзя

02.09.2019

З 2 верасня па 30 кастрычніка ў зале перыядычных выданняў (пам. 106) праходзіць тэматычная выстаўка “Бібліятэка ХХІ стагоддзя”, прымеркаваная да Дня бібліятэк.

Прыгажосць выратуе свет

02.09.2019

З 2 па 25 верасня запрашаем на выстаўку “Прыгажосць выратуе свет” у чытальную залу аддзела міжбібліятэчнага абанемента і дастаўкі дакументаў (пам. 164).



111